Құрметті Калубаев Ерсін! Қазақстан Республикасы Салық кодексінің 602-бабына сәйкес салықтың, төлемақының, алымның және өсімпұлдың артық төленген сомасын қайтару, егер осы бапта өзгеше белгіленбесе, салық төлеушінің (салық агентінің) салықтарды, басқа да міндетті төлемдерді, кедендік төлемдерді, өсімпұлдар мен айыппұлдарды есепке жатқызуды және қайтаруды жүргізуге салықтық өтініші бойынша жүргізіледі. Салықтың, төлемақының, алымның және өсімпұлдың артық төленген сомасын қайтаруды салық төлеушінің осындай салық, алым, төлемақы, өсімпұл бойынша жеке шоттарын салық органы жүргізеді. Салықтың, төлемақының, алымның және өсімпұлдың артық төленген сомасын қайтару, қайтаруға салықтық өтініш берілген күннен бастап он бес жұмыс күні ішінде жүргізіледі. Осыған байланысты, артығымен төленген салықтар сомасын қайтару үшін Сіз салық төлеуші ретінде тіркелген мекен-жай бойынша мемлекеттік кірістер органына жүгінуіңіз қажет.