Құрметті Жаналин Хамзат! Сіздің өтінішінізді қарап, келесіні хабарлаймыз. «Бизнес-бастау» сертификатын сұрауына қатысты: «Бастау Бизнес» жобасында оқуды аяқтағаны туралы сертификат алған «Еңбек» бағдарламасына қатысушылар, сондай-ақ әлеуметтік кәсіпкерлікті немесе кооперацияны дамыту жөніндегі жобаны іске асыруға қатысатын адамдар кредиттер/микрокредиттер алу үшін басым құқыққа ие болады («Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасын бекіту туралы» Қазақстан Республикасы Үкіметінің 2018 жылғы 13 қарашадағы № 746 қаулысының 5.2.2 т.). «Бастау Бизнес» жобасында оқуды аяқтағаны туралы сертификатың беру мерзімі бойынша: «Бастау Бизнес» жобасын іске асыру және жаңа бизнес-идеяларды іске асыруға мемлекеттік гранттар беру мәселесі бойынша «Еңбек» бағдарламасының орындалуы Қазақстан Республикасының Еңбек және халықты әлеуметтік қорғау министрлігіне жүктелеген («Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасын бекіту туралы» Қазақстан Республикасы Үкіметінің 2018 жылғы 13 қарашадағы № 746 қаулысының 5.2. т). Жоғарыда баяндалғанға байланысты, Қазақстан Республикасы Еңбек және халықты әлеуметтік қорғау министрлігінің уәкілетті органына жүгінуді ұсынамыз. «Құқықтық актілер туралы» Қазақстан Республикасы Заңының 60 – бабының 4 – тармағына сәйкес мұндай түсіндірмелердің міндетті ұсынымдық сипатқа ие екеніне назарыңызды аударамыз.