Құрметті Абзал! «Мемлекеттік білім беру ұйымдары қызметкерлерінің үлгі штаттарын және педагог қызметкерлер мен оларға теңестірілген адамдар лауазымдарының тізбесін бекіту туралы» Қазақстан Республикасы Үкіметінің 2008 жылғы 30 қаңтардағы № 77 Қаулысының 8-бөлімінің 12-тармағына сәйкес алғашқы әскери және технологиялық дайындық пәнінің оқытушы ұйымдастырушысы бастауыш, негізгі, жалпы орта білім беру ұйымының штаттық қызметкері болып табылады. «Білім және ғылым саласындағы азаматтық қызметшілер лауазымдарының тізілімін бекіту туралы» Қазақстан Республикасы Білім және ғылым министрінің 2016 жылғы 29 қаңтардағы № 123 бұйрығына сәйкес барлық пән педагогтері оның ішінде алғашқы әскери және технологиялық дайындық пәнінің оқытушысы білім беру саласының негізгі персоналына (В2, В4 блогына) жатады. Өз кезегінде, ҚР Еңбек кодексінің (бұдан әрі - Кодекс) 68-бабына сәйкес жұмыс уақытының ұзақтығы аптасына 40 сағаттан аспау керектігі көрсетілген. Сонымен қатар кодексті басшылыққа ала отырып, білім беру ұйымы басшысының келісімімен, еңбек шарты негізінде жұмыс режимі бекітіледі.