Қайырлы күн! Нұр-сұлтан қаласындағы және басқа да өңірлерде мемлекеттік нысандардың құрылысында жүргізілетін жобалық құжаттама көп жағдайда мемлекеттік тілде рәсімделмей, барлық жобалық ақпарат тек орыс тілінде ғана беріліп, ҚР-ның "Тіл туралы заңының" талаптары орындалмай, өрескел бұзылып және құрылыс нысандарында жұмыс істейтін ҚР-ның азаматтарының (қазақ тілді) мүдделері тапталуда. Мысал үшін, қосамшада: Тапсырыс беруші - мемлекеттік мекеме болып табылатын, Нұр-Сұлтан қаласының "Қалалық ортаны регенрациялау басқармасы", ал, орындаушы - "Астанатехстройэксперт" ЖШС-гі жасаған "Мемлекет меншігі болатын - орта білім беру мектептің" жобасының көшірмесі. Бұл жобаның мемлекеттік тілде орындалуын тапсырыс беруші не себепті талап етпейді? Бұл жобаға сараптама (экспертиза) берілгенде де бұл мәселе неге ескерілмейді? Әлде бұл нысанның құрылысында қазақ тілді мамандар жұмыс жасамау керек па? Жалпы бұндай жағдайлар өте көп және тек бұл келтірілген нысанда ғана емес, басқа да мемлекеттік нысандарда орын алуда. Сондықтан, сізден осы мәселеге аса назар аударып, осы бағытта арнайы шаралар қолданып, керек болса қосымша талаптар енгізіп, барлық жобалаушы мекемелерді жобалау құжаттамаларын ҚР-ның "Тіл туралы заңының" талаптарына сай, мемлекеттік тілде жүргізулерін міндеттеп және қадағалауыңызды сұраймын.

• Әділханұлы Қуаныш
• Мемлекеттік тілді дамыту
• 04.12.2020
• 48
• Өтініш нөмірі 655480