Қабаев Ә.К.
ҚР МСМ Тіл саясаты комитеті төрағасы
Қайырлы күн! Бос Жұмыс орнын жариялайтын headhanter.kz сайтында жарияланған (мына сілтемеде https://hh.kz/vacancy/40513224) АҚ TECHNODOM Operator (Технодом Оператор) мекемесінің "Ведущий YouTube канала" - деген хабарландыруында, үміткерге қойылатын талаптардың ішінде тіл біліміне қатысты: "Грамотная русская речь" деп көрсетілген. Мемлекеттік тіл туралы ешқандай талап та, басқа да сұрау жоқ. Демек, АҚ TECHNODOM Operator (Технодом Оператор) мекемесі тұтынушыларға арналған YouTube каналың тек орыс тілінде жүргізетін болғаны ма? Бұған дейін де бұл мекеменің сауда орындарындағы қызметкерлері тұтынушыларға мемлекеттік тілде қызмет көрсетпей жүргендігі жөнінде (мына сілтемеде https://www.youtube.com/watch?v=G1HJN_iRkm0) бірнеше видео риоликтер (watsupp, youtube және т.б.) ғаламтор месенджерлерінде тараған болатын. Одан бөлек, бұл мекеменің ресми сайттарында да мемлекеттік тілде ақпарат алуға мүмкіндік жоқ: https://www.technodom.kz/kostanay, https://www.technodom.kz/astana. Өзім де бірнеше рет дүкендеріне барғанда мемлекеттік тілде қызмет көрсету деңгейі өте төмен және толық емес екеніне куә болғанмын. Сізді осы мәселеге көңіл аударып, өз тараптарыңыздан тексеру жасап, тиісті іс шара қолданып, бұл мекеменің қазақ тілді тұтынушыларға ҚР-ның заң талаптарына сай (Конституция, Тіл туралы және тұтынушылардың құқын қорғау заңдарына) ешқандай дискриминациясыз, толық қызмет көрсетуге тиісті және міндетті екенін ресми жеткізіп, бұл талаптартың орындалуын қадағалауыңызды өтінемін.
- Әділханұлы Қуаныш
- Мемлекеттік тілді дамыту
- 07.12.2020
- 38
- Өтініш нөмірі 655991
Қабаев Ә.К. 10.12.2020, 05:06
Құрметті Қуаныш Әділханұлы! Комитет өтінішіңізде көтерілген мәселелер бойынша Қазақстан Республикасы Конституциясының 14-бабына, «Қазақстан Республикасындағы тіл туралы» Қазақстан Республикасы Заңының 7-бабына және «Ақпаратқа қол жеткізу туралы» Қазақстан Республикасы Заңының 16-бабы 14-тармағына сілтеме жасап, сондай-ақ Қазақстан Республикасы аумағында қызмет ететін кез келген мекеме меншік нысанына қармастан азаматтарды тілдік бөлініске, қоғамдық алауыздыққа апаратын факторлардың алдын алып отыруы тиіс екенін ескерте отырып, Технодомға аталған жайтқа байланысты өз тараптарынан тиісті шаралар қабылдау, алдағы уақытта мұндай жағдайлардың орын алмауы үшін барлық өңірлік филиалдарына ескерту және нәтижесі туралы ақпаратты Комитетке және Сізге жолдау туралы хат (10.12.2020 ж. № 01/379-И) жіберді.