Сәлеметсіз бе! "Тұрғын үй қатынастары туралы" Қазақстан Республикасы Заңының 67-бабына сәйкес мемлекеттік тұрғын үй қорынан тұрғын үй белгіленген тәртіппен кезек бойынша беріледі. Аталған Заңның 74-бабына сәйкес аталған тізімдерге енгізілген азаматтардың құқықтары тең деп танылады. Егер осы Заңда өзгеше көзделмесе, осы тізімдерге енгізілген адамдарды, Ұлы Отан соғысының мүгедектері мен қатысушыларын, жетім балаларды, ата-анасының қамқорлығынсыз қалған балаларды, "Алтын алқа", "Күміс алқа" алқаларымен наградталған немесе бұрын "Батыр Ана" атағын алған, сондай-ақ I және II дәрежелі "Ана даңқы" ордендерімен наградталған көп балалы отбасыларды қоспағанда, мемлекеттік тұрғын үй қорынан тұрғынжай немесе жеке тұрғын үй қорынан жергілікті атқарушы орган жалдаған тұрғынжай алуға ешкімнің басым құқығы жоқ. Қолданыстағы заңның талаптарына сәйкес азаматтарды тұрғын үймен кезектілік тәртібімен ғана қамтамасыз ету көзделеді. Сондықтан С. Абдрахмановқа тұрғын үй беру мәселесі кезектілік тәртібімен ғана оң шешілетін болады. Сондай-ақ жоғарыда көрсетілген Заңның 75-бабында мемлекеттік тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй әрбір адамға кемінде он бес шаршы метр және пайдалы алаңы он сегіз шаршы метрден аспайтын мөлшерде беріледі деп белгіленген. Сонымен қатар, көрсетілген ақпараттан бөлек толық мәліметті білу үшін Тараз қаласы, "Қарасу" (м/а) №24 "Д" мекен-жайында орналасқан "Тараз қаласы әкімдігінің тұрғын үй қатынастары бөлімі" КММ-не жүгінуі қажет.