Сапарбаев Б.
Жамбыл облысының әкімі
Жамбыл облысының әкімі Б.Сапарбаевқа Жамбыл облысы әкімінің орынбасары Б.Нығмашевке «Әлке» қожалығы басшысы А.Оспановтан Менің пайдалануымдағы 06-094-014-068 кадастрлық нөмірлі ауданы 2500,0 гектар жер учаскем орналасқан. Жер учаскесіне мемлекеттік акті дайындалып, мемлекеттік тіркеуден өткен. Салық органдарына тіркелген. Жоғарыдағы ауданы 2500,0 га жайылымдық жер учаскесінде мемлекеттік корпорация мамандары нақты жер бетінде межелік белгілері орнатылған болатын. Қазіргі таңда, шаруа қожалық иелігінде 500 бас ірі қара мал мемлекеттік ИСЖ базасына тіркелген. Құжаттарды толық заңдастырылғаннан кейін аталған жер учаскесіне мүйізді ірі қара бас малдарыма учаскемнің шекарасынан бастап ішке қарай қора соғып, бітірдім. Құрылыс жұмыстарына өте көп көлемде қаражат кетті. Кейіннен, жер учаскесін қайта өлшеу анықтау кезінде соғылған қораның шекара сыртына шығып кеткені және ол жер учаскесі аудандық жер қоры учаскесі анықталып отыр. Сөйтіп, аудан әкімдігіне мән жайды түсіндіріп және иелігімдегі мал басын шаққанда жайылым жетіспейтінін басшылыққа алып, аталған мемлекеттік меншіктегі жер учаскесін конкурсқа қоюды сұрандым. Өтінішті назарға алып, Сарысу ауданында 05.11.2020ж. ауылшаруашылық мақсатындағы жерлер бойынша конкурс ұйымдастырылған болатын. Конкурс қағидасына сәйкес ауданы 190,0 гектар жайылымдық жер учаскесіне тиесілі лотқа барлық құжаттарды заң талаптарына сәйкес тапсырып, қатыстым. Бизнес жоба, өтінім, міндеттемелер және шаруа қожалығыма тіркелген мал басы туралы мәлімет, бірлескен шарттар, сондай-ақ т.б. құжаттар өткіздім. Менің иелігімдегі шаруа қожалық Жамбыл облысы бойынша сиыр етін шетелге экспорттайтын ірі шаруашылық болып табылады. Кәсіпкерлік қызметімде мемлекетке салық төлеп, бірнеше адамды жұмыспен қамтып отырмын. Сондықтан, конкурстың өткізілу барысын кеткен кемшіліктерді зерделеуді, арызда қарап, шара қолданып, менің кәсіпкердік құқығымды қорғауды сұраймын. А.Оспанов
Файлдар:
- Оспанов Абзал
- Жер мәселелері
- 07.01.2021
- 26
- Өтініш нөмірі 660693
Сапарбаев Б. 20.01.2021, 10:28
Сәлеметсіз бе! Жамбыл облысы әкімдігінің жерлерді пайдалану және қорғалуын бақылау басқармасы (бұдан әрі – Басқарма) А. Оспановтің жер учаскелерін шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығымен беру туралы конкурсқа қатысты шағымын зерделеп, төмендегіні хабарлайды. Мемлекеттік меншіктегі және жер пайдалануға берілмеген жер учаскелерін шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру ҚР Жер кодексінің 43-1 бабына сәйкес конкурс негізінде жүзеге асырылады. Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурстың жеңімпазын жер комиссиясы тиісті өлшемшарттарды ескере отырып, балл беру арқылы конкурстық ұсыныстарды салыстыру негізінде айқындайды. Яғни, жер комиссиясы конкурстық ұсыныстарды бағалау және салыстыру арқылы жеңіп алған конкурстық өтінімді анықтайды. Конкурстық жер комиссиясы тұрақты жұмыс істейтін алқалы орган болып табылады. Сондықтан, ҚР Жер кодексінің 43-1 бабына сәйкес жер комиссиясы мүшелерінің дауыс беру арқылы қабылданған шешімінің заңдылығы сот арқылы қаралады. Осыған байланысты, конкурстық жер комиссияның қабылдаған хаттамалық шешімінің заңдылығын тексеру Басқарманың құзырына жатпайтындықтан, А.Оспановтің жолдаған шағымы сотқа шағым жасау арқылы қаралатындығын хабаралайды.