Тынысбеков А.С.
ҚР СИМ Тұтынушылардың құқықтарын қорғау комитетінің төрағасы
ШАҒЫМ (Жеке және заңды тұлғалардың өтiнiштерiн қарау тәртiбi туралы Заңға сәйкес), Электрондық құжат айналым "DOCUMENTOLOG" бағдарламасын пайдалнуышысымын. 2020 жылдан бастап бірнеше рет бағдарламаны МЕМЛЕКЕТТІК ТІЛДЕГІ нұсқасы жоқ болуы жайлы басшыларына (КАНАФИН және өзгелер) айтқан едім - жақын арада болады деген. Бірақ сол күйі тек ресей тіліндегі бағдарламаны пайдаланудамыз. Ал енді осы бағдарламаны пайдаланушылар ішінде Прокуратура, Министрліктер, Агенттіктер, Сот органдары, Мемлекеттік мекемелер, Ұлттық банк органдары, Комитеттер, Маслихаттар, Квазимемлекеттік органдар, Республикалық және жергілікті мемлекеттік органдар бар екен. Бұл сонда қалай болғаны МЕМЛЕКЕТТІК ТІЛДЕГІ НҰСҚАСЫ жоқ болғаны менің тұтынушы ретінде және өзге де пайдаланушылардың құқықтарын бұзбайды емес па? Мен пайдаланушы ретінде НЕГЕ МЕМЛЕКЕТТІК ТІЛДЕ бағдарламаны пайдалана алмауым керек, неге бағдарлама тек ресей тілінде. Конституцияның 7-ші бабына және Тіл туралы заңының 4-ші бабына сәйкес, ҚР мемлекеттік тілі – Қазақ тілі болып табылады. «Мемлекеттiк тiл - мемлекеттiң бүкiл аумағында қоғамдық қатынастардың барлық саласында қолданылатын мемлекеттiк басқару, заң шығару, сот iсiн жүргiзу және iс қағаздарын жүргiзу тiлi. Қазақстан халқын топтастырудың аса маңызды факторы болып табылатын мемлекеттiк тiлдi меңгеру - Қазақстан Республикасының әрбiр азаматының парызы». Осы мәселе бойынша Уәкілетті орган ретінде РЕСМИ ескерту жасап, қажетті шараларды қолдануды сұраймын. Жеке және заңды тұлғалардың өтiнiштерiн қарау тәртiбi туралы Заңға сәйкес, жауап беруіңізді сұраймын. «Ақпаратқа қол жеткізу туралы» Заңының 11-бабы 5-тармағына сәйкес жазбаша сұрау салуда: ақпаратты сұрататын жеке тұлғаның тегі, аты, әкесінің аты (Жандос Лесбекұлы Өстемір), жеке сәйкестендіру нөмірі (750128301802); пошта мекенжайы немесе электрондық поштасының мекенжайы (Астана, Түркістан көшесі 2/65), телефон немесе телефакс нөмірі (87019121616),көрсетілді. ҚР Заңнамасына сәйкес, қажетті іс-шаралар қабылдап, менің және өзге де азаматтардың құқығын қорғау бағытында әрекет етуіңізді талап етемін.
- Өстемір Жандос
- Мемлекеттік тілді дамыту
- 08.01.2021
- 12
- Өтініш нөмірі 660843
Абубакирова Ә.П. 13.01.2021, 09:03
Құрметті Жандос Лесбекұлы! Қазақстан Республикасының Сауда және интеграция министрлігінің Тұтынушылардың құқықтарын қорғау комитеті (бұдан әрі - Комитет) Сіздің «DOCUMENTOLOG» бағдарламасының мемлекеттік тілде жұмыс жасамауы туралы өтінішіңізді қарап, келесіні хабарлайды. «Тұтынушылардың құқықтарын қорғау туралы» Қазақстан Республикасы Заңының (бұдан әрі - Заң) 5-бабына сәйкес, тұтынушылардың құқықтарын қорғау саласындағы уәкілетті орган мемлекеттік органдардың тұтынушылардың құқықтарын қорғау саласындағы мемлекеттік саясаттың іске асырылуын қамтамасыз ету жөніндегі қызметін салааралық үйлестіруді жүзеге асырады. Сонымен бірге, Заңның 6-бабына сәйкес, мемлекеттік органдар өз құзыреті шегінде тұтынушылардың құқықтарын қорғау саласындағы жеке немесе заңды тұлғалардың өтініштерін қарайды, Қазақстан Республикасының тұтынушылардың құқықтарын қорғау туралы заңнамасын бұзушыларға жауаптылық шараларын қолданады, Қазақстан Республикасының тұтынушылардың құқықтарын қорғау саласындағы заңнамасының сақталуына мемлекеттік бақылауды жүзеге асырады. Қазақстан Республикасы Мәдениет және спорт министрлігінің Тіл саясаты комитетінің ережесінің 14-тармағының 4-тармақшасына сәйкес, Қазақстан Республикасының тiл туралы заңнамасында белгiленген талаптардың бұзылуын жою туралы ұсынымдар жасау аталған комитеттің функцияларына кіреді. Жоғарыда баяндалғанның, сондай-ақ «Жеке және заңды тұлғалардың өтініштерін қарау тәртібі туралы» Қазақстан Республикасы Заңының 7-бабының 6-тармағына сәйкес, Сіздің өтінішіңіз Қазақстан Республикасы Мәдениет және спорт министрлігінің Тіл саясаты комитетіне ведомстволығы бойынша жолданғаның хабарлаймыз.