Құрметті Куат Орашаев! Сіздің, №661076 өтінішіңізді қарастырып, келесіні мәлімдейміз: Қазақстан Республикасы «Тұрғын үй қатынастары туралы» Заңының 67,74 баптарына сәйкес коммуналдық тұрғын үй қорынан тұрғын үй белгіленген тәртіппен кезек арқылы беріледі. Сіз тұрғын үй алу тізімінде халықтың әлеуметтік жағынан әлсіз тобы тізімінде, Ұлы Отан соғысының қатысушыларына теңестірілген азамат ретінде 28.06.2018 жылдан бастап, бүгінгі таңда №8708 кезекте тіркелгенсіз. Қазіргі таңда, аталған санат бойынша Сізге дейін 8707 азамат өз кезегін күтуде. Қазақстан Республикасы «Тұрғын үй қатынастары туралы» Заңының 74 бабының талаптарына сәйкес, азаматтарды тұрғын үймен тек кезек ретімен қамтуды көздейді. Сондықтан, Сіздің тұрғын үй мәселеңіз кезек ретімен оң шешімін табатын болады. Қазақстан Республикасының «Жеке және заңды тұлғалардың өтініштерін қарау тәртібі туралы» Заңының 12 бабын басшылыққа ала отырып, осы жауаппен келіспеген жағдайда жоғары тұрған мемлекеттік органға немесе сотқа шағымдануға құқылы екендігіңізді хабарлаймын.