Әбдіқалықова Г.Н.
Қызылорда облысының әкімі
Саламатсыз ба.Мен Нуптуллаева Эльмира Темирбековна 2005-2011 жылдары М.Оспанов атындағы БҚММУ да медико-профилактикалық ісфакультетінде оқып,дәрігер гигиенист,эпидемиолог мамандығын алып шықтым.2012 жылдың 16 сәуірінен бастап Қызылорда облысы,Қазалы ауданындағы Қазалы ауданаралық ауруханасында дәрігер эпидемиолог қызметін атқарып келемін.Алайда менің айлығым дұрыс есептелмеген.ҚР 31 желтоқсан,2015 жылғы 1193 қаулысына сәйкес,барлық дәрігерлерге айлық В 2 деген категориямен төлену керек,алайда осы күнге шейін менің айлығым В3,яғни бакалавр,мамандардың категориясымен төленіп келген.Осы мәселе бойынша есеп бөліміне тексеріс жүргізіп,ақ қарасын анықтап беруіңізді сұраймын.
- Нуптуллаева Эльмира
- Денсаулық сақтау
- 17.01.2021
- 39
- Өтініш нөмірі 662289
Жауаптар (2)
Әбдіқалықова Г.Н. 18.01.2021, 10:32
Сіздің өтінішініз қаралуда. Нәтижесі қосымша хабарланатын болады.
Әбдіқалықова Г.Н. 26.01.2021, 01:39
Өтінішіңізді жан-жақты зерделеу мақсатында Қызылорда облысының денсаулық сақтау басқармасының 22.01.2021 жылғы № 12-18/338 санды хатымен Кәсіпорыннан құжаттар сұрату арқылы зерделеу жұмыстары жүргізілді. Сіздің еңбек жалақынызды Қазақстан Республикасы Үкіметінің 2015 жылғы 31 желтоқсандағы № 1193 Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы қаулысының 2-қосымшаға сәйкес азаматтық қызметшілердің, мемлекеттік бюджет қаражаты есебінен ұсталатын ұйымдар қызметкерлерінің, қазыналық кәсіпорындар қызметкерлерінің (жұмысшыларды қоспағанда) функционалдық блоктар бойынша ЛА есептеуге арналған коэффициенттер негізінде В3 буынына сәйкес есептелінген. Сонымен бірге, кәсіпорын Сіздің қызметтік міндеттемелеріңізге сәйкес ҚР Денсаулық сақтау және әлеуметтік даму министрінің 2015 жылғы 28 желтоқсандағы № 1043 «Денсаулық сақтау жүйесінің кейбір салаларындағы азаматтық қызметшілер лауазымдарының тізілімін бекіту туралы» бұйрығымен бекітілген Денсаулық сақтау жүйесінің кейбір салаларындағы азаматтық қызметшілер лауазымдарының тізілімін В БЛОГында «Денсаулық сақтау» бөліміндегі В2 буынға жатқызуға мүмкіндігі бар және «Мемлекеттік мүлік туралы» Қазақстан Республикасы Заңының 138-бабына сәйкес шаруашылық жүргізу құқығындағы мемлекеттік кәсіпорынның ұйымдық-құқықтық нысанындағы еңбекақы төлеу нысандары, штат кестесі, лауазымдық айлықақылар мөлшері, сыйлықақы беру және өзге де сыйақы жүйесі белгіленген еңбекке ақы төлеу қорының шегінде дербес айқындайтындығын мәлімдейді. Жоғарыдағыларды баяндай келе, «Жеке және заңды тұлғалардың өтініштерін қарау тәртібі туралы» Қазақстан Республикасы Заңының 12-бабына сәйкес арызды қараудың нәтижесі бойынша қабылданған шешімге өз тарапыңыздан келіспеген жағдайда, жоғары тұрған органға немесе сотқа шағымдануға құқыңыз бар екендігін түсіндіреміз.