Құрметті Ерболат! Сіздің өтінішіңізді қарастырып, келесіні хабарлаймын.«Қазақстан Республикасындағы туристік қызмет туралы» Қазақстан Республикасы Заңының ( 17-бабының 1-тармағына сәйкес, туристік қызмет көрсету шарт негізінде жүзеге асырылады. Гидпен (гид-аудармашымен) және экскурсоводпен жасалатын шарттарды қоспағанда, туристік қызмет көрсетуге арналған шарт жазбаша нысанда жасалады және Қазақстан Республикасының заңнамасына сәйкес келуге тиіс.Сонымен бірге, Заңның 17-бабының 3-тармағына сәйкес, тараптардың әрқайсысы мән-жайлардың елеулі өзгерістеріне байланысты шартты өзгертуді немесе бұзуды талап етуге құқылы. Заңның 17-бабының 10-тармағына сәйкес, туристік қызмет көрсетуге арналған шартты орындаудың мүмкін болмауы тараптардың ешқайсысы жауап бермейтін мән-жайлар бойынша туындаған жағдайда, егер заң актілерінде немесе шартта өзгеше көзделмесе турист туристік қызметті жүзеге асыратын тұлғаға іс жүзінде шеккен шығыстарын өтейді. Бұл ретте, нақты келтірілген шығыстар құжатпен расталуға тиіс. Осыған байланысты, Сіз туристік компанияға басқа күнге немесе басқа елге турды қайта брондау туралы өтінішпен жүгінуге, сондай-ақ балама нұсқаларға келіспеген жағдайда туристік саяхаттан бас тартуға құқығыңыз бар. Сонымен қатар, туристік нарықтағы қалыптасқан жағдайға байланысты туроператорларда туристердің сұраныстарын қанағаттандыру үшін қаражат жетіспей жатыр, өйткені серіктестерімен жасалған келісімшарттар аясында тиісті алдын-ала төлемдер жасалды және ұйымдастырушылық сипаттағы басқа да шығындар болды, туроператорларда айыппұл міндеттемелері болуы мүмкін. Бұл ретте, Сіз және «Пегас» ЖШС арасында туындаған өзара қарым-қатынастар азаматтық-құқықтық қатынастарға жатады және Қазақстан Республикасының Азаматтық кодексімен реттелетіндігін мәлімдеймін.