Құрметті Сабид! ҚР БҒМ Білім және ғылым саласында сапаны қамтамасыз ету комитеті Сіздің "Шет тілдер және іскерлік карьера университеті" білім беру мекемесінің (бұдан әрі – Университет) қызметіне қатысты өтінішіңізді қарап, келесіні хабарлайды. Алматы қаласының мамандандырылған ауданаралық әкімшілік сотының 2021 жылғы 1 қыркүйектегі қаулысымен Университет бас лицензиясынан айырылды. Осыған байланысты университеттің осы жылғы түлектерге жоғары білім туралы дипломдар беруге құқығы жоқ. "Білім туралы" Қазақстан Республикасы Заңының 42-бабының 2-тармағына сәйкес білім беру қызметімен айналысуға арналған лицензиядан айырылған немесе білім беру ұйымы таратылған жағдайда, оның құрылтайшысы білім алушыларды оқуын жалғастыру үшін басқа білім беру ұйымдарына ауыстыруға шаралар қолданатынын атап өту қажет. Сонымен қатар, Қазақстан Республикасы Білім және ғылым министрлігі Университет студенттерін басқа бейінді жоғары оқу орындарына ауыстыру бойынша жұмыс тобын құрды. Жұмыс тобына жабық университетте жүзеге асырылатын оқу бағдарламалары бойынша мамандар даярлайтын басқа лицензияланған жоғары оқу орындарының басшылары кіреді. Университет студенттерінен өтінімдер оқуды жалғастыру үшін жағдай жасай отырып, онлайн немесе ЖОО базасында қабылданады. Университеттің әрбір студенті бойынша басқа ЖОО-да оқуды жалғастыру, барлық академиялық жетістіктерді сақтай отырып, емтихандарды уақтылы тапсыру, академиялық айырмашылық анықталған жағдайда тегін ауыстыру, сондай-ақ білім туралы мемлекеттік үлгідегі құжаттарды алу үшін тиісті шешімдер мен шаралар қабылданатын болады. Қазақстан Республикасы Білім және ғылым министрлігі студенттерді басқа бейіндік жоғары оқу орындарына ауыстыру жұмыстарын жалғастыруда.