Құрметті Мектеп Сүлеймен! Қазақстандық және экспорттық нарыққа шығатын ауыл шаруашылығы саласындағы оның ішіндегі мал шаруашылығы бағыты бойынша табыс жағынан зор пайдасы бар халял өңделетін ет өнімдерін нарыққа шығаруға қатысты өте маңызды ұсынысыңызға ризашылығымызды білдіреміз. Елдің дамуына тамшыдай болса да үлес қосып, қамқорлық көрсету өзгелерге ой саларлық азаматтық іс деп білемін. Мал шаруашылығының ет өндіру саласында Ақтөбе облысы бойынша халял өңделген ет өнімдерін Қазақстан аумағында және экспорттық нарыққа шығаратын шағын, орта және ірі кәсіпкерлік субъектілері барлық аудан орталықтары мен Ақтөбе қаласында тұрақты жұмыстарын жүргізіп жатыр. Бүгінгі күні өндірілген жартылай дайын өнімдер жергілікті елді мекендердегі сауда орындарында және көрші облыс аймақтарда сонымен қатар іргелес жақын көрші мемлекеттердің сауда орындарында үлкен сұранысқа ие. Облыс бойынша барлық аудандарда және Ақтөбе қаласы бойынша мал сою пункттері мен жартылай дайын өнімдер жасайтын және экспортқа шығару бағытымен айналысатын шағын, орта және ірі кәсіпкерлік субъектілері жұмыс жасап, тұрғындарды тұрақты жұмыспен қамтып келеді. Мал шарауашылығының ет өнімдерін өндіру, өнім сапасын арттыру, пайда түсіру, сату жолдарындағы жұмыс тәжірибеңізбен бөлісу үшін Ақтөбе облыстық ауыл шаруашылығы басқармасына келіп өзіңіздің барлық жобаларыңызды презентация арқылы ұсынуыңызға болады. Қосымша сұрақтар бойынша Ақтөбе облыстық ауыл шаруашылығы басқармасына 7 (7132) 56-84-14 телефон нөмірі арқылы қоңырау шалуыңызға болады.