Мемлекет Басшысының тапсырмасын орындау аясында өңірде мектепке дейінгі ұйымдар желісін кеңейту жұмысын жалғастырып жатырмыз.

Мемлекет Басшысының тапсырмасын орындау аясында өңірде мектепке дейінгі ұйымдар желісін кеңейту жұмысын жалғастырып жатырмыз.

Бүгін Қостанай қаласының «Әуежай» шағын ауданында 280 орынға арналған жаңа, заманауи балабақша ашылды. Бұл — соңғы екі жылда облыста ашылған оныншы, ал Қостанай қаласындағы екінші балабақша.

Балаларға жан-жақты дамуға барлық жағдай жасалған.
Балабақшада мемлекеттік және орыс тілдерінде оқытатын 16 топ жұмыс істейді. Нысан тұрғындар үшін жаяу жетуге ыңғайлы жерде орналасқан және көптен күткен әлеуметтік мекемеге айналды.

Бүгінде облыста 3-тен 6 жасқа дейінгі балалардың 100%-ы мектепке дейінгі біліммен қамтылған. 2 жастан 6 жасқа дейін бұл көрсеткіш — 92,5%. Басты мақсатымыз — бұл көрсеткішті 100%-ға жеткізу.

«Әуежай» шағын ауданында әлеуметтік инфрақұрылым жүйелі түрде дамып келеді.
900 орындық жаңа «Жайлы мектеп», емхана, спорт кешені ашылды, жолдар мен инженерлік желілер жөндеуден өтті. Сауда-ойын-сауық орталығының құрылысы жүргізілуде.

«Әуежай» — жас отбасылар үшін өмір сүруге қолайлы, заманауи ауданға айналуда.

• 09.12.2025
• 6