Қызылорда облысы 26.05.2022

Сәлеметсізбе? Соңғы жылдарғы тұрақты мемлекеттік қолдаудың арқасында мал шаруашылығының оң даму тенденциясы қалыптасып, АӨК инвесторлар үшін тартымды салаға айналып келеді. Осыған сәйкес, 2021 жылы мал шаруашылығын субсидиялауға барлығы 4,9 млрд. теңге қаржы бөлінді. Дегенмен, бөлінген қаржы шауашылық құрылымдарына жетпей қалып, күту парағына (резервке) түскен өтінімдер 941,5 млн. теңгені құрады. Осыған сәйкес, ҚР Ауыл шаруашылығы министрлігіне хат жолданып, нәтижесінде республикалық бюджеттен 744,9 млн. теңге қаржы бөлінді. Қалған қаржы көлемін жергілікті бюджеттің қаражаты есебінен, яғни субсидиялау бағыттарынан алынатын болады. Бүгінгі күні облыс әкімінің қаулы жобасына өзгерістер енгізілуде. Нормативтік-құқықтық актілерге сәйкес қаулы жобасын шілде айының ішінде бекіту жоспарлануда. Қаулы жобасы бекітілгеннен кейін күту парағына түскен өтінімдерге кезектілікті сақтай отырып субсидия төленетін болады.