ҚР Мемлекеттік қызмет істері агенттігі 28.March.2023, 16:13

Қайырлы күн, Өтегенова Маржан! «Қазақстан Республикасының мемлекеттік қызметі туралы» Заңының 15-бабының 6-тармағына сәйкес, биылғы жылдан бастап жоғары оқу орындарын мемлекеттік грант шеңберінде, GPA 3,33-тен (В+) төмен емес оқу нәтижесімен бітірген түлектер оқуды бітіргеннен кейін 1 жыл ішінде конкурс өткізілместен аудандық, ауылдық деңгейдегі төменгі лауазымдарға (бас маман, жетекші маман) орналаса алады. Заңның көрсетілген нормасы конкурс кезеңдерінен өтпей, оның ішінде әңгімелесусіз тағайындауды көздейді. «Б» корпусының мемлекеттік әкімшілік лауазымдарына конкурссыз тағайындаулар Агенттікпен немесе оның аумақтық бөлімшесімен келісім бойынша тиісті мемлекеттік органдардың ұсынысы негізінде жүргізілетін болады. Ол үшін Сіз өз мамандығыңызға қарай бос лауазымдары бар мемлекеттік органға жүгініп, құжат топтамасын тапсырасыз. Бұдан әрі мемлекеттік органның келісімі мен шешімін күту қажет. Оң шешім болған жағдайда мемлекеттік органдағы мемлекеттік қызметке қабылданасыз.