ҚР Мемлекеттік қызмет істері агенттігі 11.May.2023, 16:56

Сәлеметсіз бе! Мемлекеттік қызметті атқарып отырған қызметші басқа мемлекеттік органға ауысуы сол мемлекеттік органның жалпы конкурсына қатысуы арқылы жүзеге асырылады. Бұл ретте, «Қазақстан Республикасының мемлекеттік қызметі туралы» Заңның 27-бабы 9-тармағына сәйкес конкурсқа қатысатын мемлекеттік қызметшілер тестілеуден өтпейді. Сонымен қатар, «Б» корпусының мемлекеттік әкімшілік лауазымына орналасуға арналған конкурсты өткізу қағидалары Агенттіктің 2017 жылғы 21 ақпанындағы № 40 бұйрығымен бекітілген. Аталған қағидалардың талаптарына сәйкес жалпы конкурсқа қатысуға ниет білдірген азаматтар конкурс өткізетін мемлекеттік органға құжаттарын қолма-қол тәртіпте, почта арқылы не хабарландыруда көрсетілген электрондық почта мекенжайына электронды түрде не «Е-gov» электронды үкімет порталы арқылы құжаттарды қабылдау мерзімінде тапсырады. Жалпы конкурсқа қатысу үшін мемлекеттік қызметшілермен мынадай құжаттар тапсырылады: 1) өтініш; 2) қызметтік тізім. Жалпы конкурс өткізу туралы хабарландыру Агенттіктің интернет-ресурсында (gov.kz/memleket/entities/qyzmet) орналастырылады және конкурс жариялаған мемлекеттік органның интернет ресурсында таныса аласыз.