Жетісу облысы 20.June.2024, 11:43

Спорттық тапсырысты жан басына қаржыландыру бағдарламасы бойынша спорт секцияларына жазылу үшін баланың заңды өкілі «artsport.edu.kz» платформасына өзіне ұнаған спорт түрі бойынша кезекке қояды. Сонымен қатар, облыстағы 25 балалар мен жасөспірімдер спорт мектептеріне белгілі спорт түрі бойынша бөлімшелерге жазылып, қатысуына болады. Балалар-жасөспірімдер спорт мектептеріне, мүгедектігі бар адамдарға арналған спорт мектептеріне түсу үшін жеке тұлғалар (бұдан әрі – көрсетілетін қызметті алушы) көрсетілетін қызметті берушінің кеңсесіне немесе "электрондық үкіметтің" www.egov.kz веб-порталы (бұдан әрі – портал) арқылы "Балалар-жасөспірімдер спорт мектептеріне, мүгедектігі бар адамдарға арналған спорт мектептеріне құжаттарды қабылдау" мемлекеттік қызмет көрсетуге қойылатын негізгі талаптардың тізбесінде көрсетілген құжаттарды қоса, еркін нысандағы өтінішті береді.