Қызылорда облысы 21.August.2024, 15:34

2022 жылдың қазан айында шетелдік инвестордың қатысуымен қуаттылығы 197 мың тонна өнім шығаратын шыны зауыты іске қосылды. Өнеркәсіп саласының дамуына серпін берген шыны зауытына 42 млрд. теңге инвестиция тартылды. Қажетті шикізаттар шетелден, әсіресе Ресейден, Өзбекстаннан тасымалдануда. Зауыт іске қосылған сәттен бастап 27,3 млрд. теңгеге 22,8 млн. м2 шыны өндірді. Өнімнің 70%-ы ішкі нарыққа, 30%-ы Өзбекстан, Қырғызстан, Тәжікстан, Грузияға және Ресейге экспортқа жіберіледі. Қазіргі таңда зауытта 400-ге жуық қызметкер жұмыс жасауда. Сонымен қатар, зауыт ішінен биыл маусым айында жалпы құны 6,7 млрд. тенгені құрайтын қуаттылығы 5 млн. шаршы метр энергия үнемдейтін шыны өндірісінің жаңа желісі іске қосылды. Энергия үнемдейтін шынының ерекшелігі – суық мезгілде жылуды сақтайды, жазда күн радиациясынан қорғайды және жылыту арқылы 20%-дан астам үнемдеуге қол жеткізуге болады.