Жамбыл облысы 30.12.2024

1. Ауыл шаруашылығы саласы бойынша Жамбыл облысы бойынша қанша қылмыс тіркелген? Ауыл шаруашылығы саласы бойынша жалпы тіркелген қылмыстық іс – 6. 2. Субсидия жымқыру бойынша қанша қылмыстар орын алды? Субсидия жымқыру бойынша орын алған 6 қылмыстың 3-еуіне сот үкімі шықса, 3-еуі сотта қаралуда. Қазір субсидия алуға құжаттар тек электронды түрде https://gosagro.kz порталы арқылы қабылданады. Орын алған қылмыстардың барлығы алаяқтардың қасақана, пайдакүнемдік ниетпен, мемлекеттік субсидияны ірі мөлшерде жымқыру мақсатында шаруа қожалықтардың атынан өтінім беріп, қажетті құжаттарға қожалық басшыларының қолын қойып, мөрін басуынан болған. 3. Жайылымдық жерлер суландыру бойынша қандай жұмыстар жасалып жатыр? Жыл сайын суару маусымы аяқталғаннан кейін каналдар толық жабылып, Талас, Сарысу, Мойынқұм аудандары және Түркістан облысының Созақ аудандарының жайылымдық жерлерін суару мақсатында Талас және Шу өзендері арқылы су тасталады. Ағымдағы жылы Талас өзені арқылы тасталған су қазіргі уақытта Ойық су торабынан төмен 20,0 м3/с су өтіп (Үшарал ауылдық округіндегі Шапан шабындығында жайылып жатыр) жатыр. Ал, Шу өзенінен тасталған су қазіргі уақытта Ұланбел ауылына жетті (өткен жылы тасталған су 2024 жылы 8 ақпанында Ұланбелге жеткен болатын). Экологиялық және жайылымдарды суландыру мақсатында су тастау бекітілген су бөлу кестесіне сәйкес 2025 жылғы 15 сәуіріне дейін жалғасатын болады. 4. Біз білеміз жаһандық жылыну, су көздерінің азайуы орын алып жатыр осы орайды сіздің басқармаңыз жайылымдарда су көздерін ашу үшін қандай жұмыстар жасап жатыр? Облысымызға тиесілі 181,8 мың гектар суармалы алқаптың 127,3 мың гектары немесе 70,9%-ы жер үсті әдісімен суарылады. 2024 жылы 15,4 мың гектарға су үнемдеу технологиялары енгізіліп, облыс аумағындағы жалпы көрсеткіш 55,4 мың гектарға (тамшылатып суару – 11 мың га, жаңбырлатып суару 2,5 мың га, лазерлік жоспарлаушы 1,8 мың га) жеткізілді. 2025 жылы бұл көрсеткішті 64,5 мың гектарға жеткізу жоспарлануда.