«Мемлекеттік қызмет саласындағы мәселелер»
«Мемлекеттік қызмет саласындағы мәселелер» тақырыбында интернет-конференция өтеді. Пайдаланушылардың сұрақтарына ҚР Мемлекеттік қызмет істері агентігінің Атырау облысы бойынша департамент басшысы, Әдеп жөніндегі кеңес төрағасы Н.Т. Еркебаев жауап беретін болады.
- Сұрақтар: 2
- Жауаптар: 2
- 19.03.2025, 10:00
- 19.03.2025, 17:00
Дюсегалиев Айбат 19.03.2025, Сұрақ нөмірі: 13432
Салеметсіздерме! Егер мемлекеттік қызметшінің сөгіс түріндегі тәртіптік жазасы болса оған қолданылатын келесі тәртіптік жаза қандай болады?
ҚР Мемлекеттік қызмет істері агенттігі 19.March.2025, 13:01
Қазақстан Республикасы Президентінің 29.12.2015 жылғы № 152 Жарлығымен бекітілген "Мемлекеттік қызметшілерге тәртіптік жаза қолдану қағидаларының" 27-тармағына сәйкес, тәртіптік теріс қылықтар мынадай түрлерге бөлінеді: 1) елеусіз; 2) елеулі; 3) өрескел. Алып тасталмаған ескерту, сөгіс немесе қатаң сөгіс түрінде қолданылған жаза болған кезде мемлекеттік әкімшілік қызметші жасаған теріс қылық елеулі теріс қылық болып табылады, ол үшін қызметшіге қызметіне толық сәйкес еместігі туралы ескерту немесе лауазымын төмендету түріндегі жаза қолданылады. Бұл ретте, мемлекеттік қызмет туралы заңнамаға сәйкес негіздер бойынша қызметіне толық сәйкес еместігі туралы ескерту немесе лауазымын төмендету түріндегі тәртіптік жаза көзделген тәртіптік теріс қылықтарға жол берілген жағдайларда, қызметіне толық сәйкес еместігі туралы ескерту немесе лауазымын төмендету түріндегі тәртіптік жаза алынбаған тәртіптік жазаның болуына қарамастан қолданылатындығы түсіндіріледі.