ҚР Мемлекеттік қызмет істері агенттігі 26.June.2025, 15:19

Қайырлы күн!! Сауалыңыз үшін алғыс білдіреміз. Мемлекеттік қызметке іріктеудің жаңа жүйесіне сәйкес, мемлекеттік қызметке орналасуға үміткерлер www.eqyzmet.gov.kz cілтемесі арқылы жүйеге кіріп ең алдымен тіркелу қажет.Содан соң жүйеде тестілеу бөліміне кіріп төрт заң бойынша заңнаманы және мемлекеттік тілді білу тестілеуінен онлайн өте алады. Үміткер порталдағы өзінің жеке кабинетінде тестілеуден өту үшін 1 күнтізбелік күн бұрын тестілеудің күні мен уақытын өзі таңдап, өтінім қалдырады. Тестілеу бағдарламасы 1) Қазақстан Республикасының мемлекеттік тілін білуге арналған тест 2) «Қазақстан Республикасының Конституциясын», «Қазақстан Республикасының мемлекеттік қызметі туралы», «Сыбайлас жемқорлыққа қарсы іс-қимыл туралы», Қазақстан Республикасы Президентінің 2015 жылғы 29 желтоқсандағы № 153 Жарлығымен бекітілген Қазақстан Республикасы мемлекеттік қызметшілерінің әдеп кодексін (Мемлекеттік қызметшілердің қызметтік әдеп қағидаларын) бiлуге арналған тесттерді қамтиды. Қазақстан Республикасының заңнамаларын білуге арналған тестілеуден үміткер өтпеген жағдайда күнтізбелік үш күннен кейін қайта тестілеуге қатыса алатындығын хабарлаймыз.