Администратор 27.07.2008

Облыстық әкімшіліктің 2006 жылғы 27 сәуірдегі № 120 қаулысымен, Жамбыл облыстық үшінші сайланым маслихатының 2006 жылғы 16 маусымдағы № 17-9 шешімімен «Жамбыл облысында туристік саланы дамытудың 2006-2008 жылдарға арналған бағдарламасы» қабылданды. Аталған бағдарламаның негізгі міндеттері болып: - аймақтың туристік мүмкіндіктеріне маркетингтік зерттеулер жүргізу; - аймақтың туристік инфрақұрылымын дамыту; - жаңа туристік объектілер салу; - облыстың туристік өнімін республикалық және әлемдік деңгейге жылжыту болып табылады. Аталған іс-шараларды жүзеге асыруға қарастырылған қаржы мөлшері төмендегідей: 2006 жыл – 6950 мың теңге 2007 жыл – 3144 мың теңге 2008 жыл – 5200 мың теңге. 2007 жылы «Тау самалы» сауықтыру туристік кешені республикалық деңгейде жүргізілетін «Жасөспірімдер туризмі» жобасын іске қосты. Жоба 3 бағытта жүзеге асырылады: - танымдық және экологиялық туризм: экосоқпақ, тауға туристік бағдарлар, сонымен қатар, жаяу және атпен қыдыру бағдарлары - танымдық-тарихи туризм: Берікқара шатқалындағы ескі сақ қорғандарына бағдарлар - ескі архитектуралық ескерткішткрге, атап айтсақ, Айша-бибі кесенесі, достық алаңы, сондай-ақ «Қарахан баба», «Тектұрмас» кесенелеріне бағдарлар. Сонымен қатар қазіргі уақытта облыста туризм саласында 2 бизнес-жоба бар. Оның бірі Жуалы ауданында тау шаңғысы базасын құру. Оның құны 510 млн. теңгегі құрайды және жүзеге асырылу мерзімі 2008-2010 жылдар. Екінші жоба: «Тілебай баба» ЖШС әзірлеген «Тау самалы» туристік базасы аумағында туристік кешен құрылысы. Қазіргі таңда аталған жобалар бойынша іске асыру үшін инвесторларды тарту жұмыстары жүргізілуде.