Администратор 27.07.2008

Қазіргі кезде Қазақстанның ДСҰ-ға кірер кезінде ауылшаруашылығы саласының тұрақтылығын және бәсеке қабілеттілігін жоғарылатуға бағытталған және ветеринарлық-фитосанитарлық қолайлығын қамтамасыз етуді және тиімді мемлекеттік бақылауды жүзеге асыру үшін бейімдеу шараларын жүзеге асыру бойынша жұмыстардың белсенділігін арттыру мақсатында халықаралық стандарттарға сай лабораторияларды жинақтау шаралары, мамандарды диагностика, экспертиза, бақылаудағы өнімдерді залалсыздандырудың алдынғы қатарлы әдістерге үйрету және біліктілігін жоғарылату, ЖОО-да ветеринария және өсімдіктер карантині бойынша кадрларды дайындау, кәсіпорындардың отандық өнімдерді өндіру кезінде халықаралық стандарттарға жедел өту бойынша шаралар жүргізілуде. Соңғы жылдарда сектордағы байқалған өсім Қазақстанның тауар өндіруде, бәсекеге қабілеттілікті жоғарылауда белгілі бір артықшылығы туралы нәтижелер жасауға мүмкіндік береді. Ал азық-түлік өнімдерінің бәсекеге қабілеттілігі елімізде жүргізіліп жатқан аграрлық саясатына байланысты. Ауыл шаруашылығы министрлігімен ауыл шаруашылығы өнімдерін қайта өңдеу және тамақ өнеркәсібі бойынша кәсіпорындарды мемлекеттік қолдау шаралары қабылданып жатыр. Әсіресе, несиелер бойынша банктік сыйақы ставкаларын арзандату бойынша; жабдықтарды лизингін ұйымдастыру; кәсіпорындардың сапа және қауіпсіздік менеджмент жүйесін әзірлеу, енгізу және сертификациялауға кететін шығындарды субсидиялау; АӨК салаларын дамытудың нормативтік-методикалық база дайындау бойынша бюджеттік бағдарламалар іске асырылуда. Аталған шаралар еліміздің Агроөнеркәсіп кешені ДСҰ-на кіруден кейінгі салдарын жеңілдетуіне, тауарлардың бәсекеге қабілеттілігін жоғарылатуға, экспортқа бейімделген тауарларды дамытуға және ауыл шаруашылығындағы сыртқы сауданың либерализациялауынан кері әсерін азайтуға әкеледі.