Администратор 27.07.2008

Бұл сауалға қатысты баспасөз беттерінде біраз түсініктемелер бердік. Менің тағы да қоса айтатыным, біздің Қазақстанда бірінші рет қаңтардан бастап, әйел жүкті болған кезде, баланы босанған кезде, баланың бір жасқа толғанға дейін күтіміне төленетін жәрдемақылар мемлекеттік арнаулы сақтандыру қорынан төлене бастады. Егер де нақтылай төленетін мөлшеріне келетін болсақ, онда жұмыс істейтін әйелдер болатын болса, ол кісінің жұмыс істеген орны қордың мүшесі болуы қажет және дер кезінде жарнасын төлеп отырған жағдайда, ол кісіге жүкті болып демалысқа кеткенде 4 айлық орташа жалақысы беріледі. Енді біздің статистикалық мәлімет бойынша, Қазақстанда әйелдердің орташа айлығы - 44 000 теңгені құрайды. Оны төртке көбейтсек 170 мыңдай теңге құрайды ол біріншіден. Екіншіден, әйелдер босанған кезде төленетін ақша, ал кейбір кезде қиын босанғанда немесе Семей өңірінде тұрса, оған 4 – ке емес, 4,6 - ға немесе 5 – ке көбейтіледі. Одан кейін баланың босанғаннан кейін, 10 ай бойы баланы күткен үшін, алып жүрген айлығының 40 пайызы төленіп отырады. Біздің есептеуіміз бойынша барлығын қосқанда, жүкті болған кезде, баланы босанған кезде, баланы күтуіне берілетін 10 айлықты және басқасын қоса есептегенде – 1 әйелге 480 мыңдай теңге төленуі керек. Бұл жұмыс істейтін әйелдерге қатысты. Ал жұмыс істемейтін әйелдер босанған кезде, ол кісілерге мемлекеттің бюджеттің есебінен 35 мың теңге төленеді, ал одан кейін ай сайын бала бір жасқа толғанға дейін мемлекеттік жәрдемақы төленеді. Оның мөлшері бала санына байланысты, бірінші балаға – 5 800 теңге, әрі қарай категорияға байланысты көбейе береді. Егер 5 – 6 бала болатын болса, ол балалар 18 жасқа дейін – 4 мың теңгедей төленеді.