Ел басының «Дағдарыстан жаңару мен дамуға» атты Қазақстан халқына Жолдауын түсіндіру және іске асыру барысы жөніндегі Қызылорда облысы әкімшілігімен Интернет-конференциясы
Қызылорда облысы әкімшілігі Ел басының «Дағдарыстан жаңару мен дамуға» атты Қазақстан халқына Жолдауын түсіндіру және іске асыру барысы жөніндегі Интернет-конференция өткізіп жатыр. Қойылған сұрақтарға жауаптардың барлығы «электрондық үкімет» Порталында ағымдағы жылғы 8 мауысымда жарияланады.
- Сұрақтар: 27
- Жауаптар: 24
- 08.06.2009
- 11.06.2009
- Қызылорда облысы әкімшілігі
Серикова Шолпан 08.06.2009, Сұрақ нөмірі:
Облыс орталығында балалар мен жасөспірімдерге арналған кітапхана жоқ. 1977 жылы оңтайландыру кезінде облыстық балалар мен облыстық жасөспірімдер кітапханасы жабылып, кітап қоры облыстық кітапханаға берілген болатын. Бүгінгі таңда Ә.Тәжібаев атындағы облыстық әмбебап ғылыми кітапханасының балалар бөлімі кітапханалық қызмет көрсетеді. Мұнда балалардың жас ерекшеліктеріне қарай қызмет көрсететін бөлімдер жоқ, оқырмандарға қызмет көрсету залында орындар жетіспейді.
Ақпаратық қоғамда балалардың жан-жақты білім алуына қажетті ақпаратпен қамтамасыз ететін, бос уақытын тиімді пайдаланып, кітап оқу арқылы балаларды қоғамның мәдени-әлеуметтік ортасына өз орнын табуға тәрбиелейтін, заманға сай жаңа технологиялармен жабдықталған облыстық балалар кітапханасы қажет.
Администратор 11.06.2009
Ә. Тәжібаев атындағы облыстық кітапхананың ішінде балалар мен жасөспірімдерге арналған бөлімі қызмет көрсетіп жатыр. Қазіргі таңда облыс орталығында 400 000 сақтау бірлікке арналған кітапхананың құрылысы басталып, осы жылдың аяғына дейін аяқталуы жоспарлануда. 2010 жылдан бастап кітапхана пайдалануға беріледі. Осы кітапхананың ішінде балалар мен жасөспірімдерге арналған бөлім ашу қаралған.