Администратор 27.07.2008

Резидент заңды тұлғаның жылдық жиынтық табысы салық кезеңi iшiнде Қазақстан Республикасы мен одан тыс жерлерден алынуға тиiс (алынған) табыстардан тұрады (СК 80-б. 1-т.). Тиісінше, заңды тұлғаның шетелде жүзеге асырған қызметінен алған табысы оның жылдық жиынтық табысына қосылады және салық есептілігінде көрсетілуге тиіс. Сонымен қатар, Салық кодексінің 91-бабына сәйкес түзетуге жататын кірістерді қоспағанда, Салық төлеушiнiң Қазақстан Республикасының шегiнен тыс жерлерде төлеген табыс салығының және Қазақстан Республикасының шегiнен тыс жерлерде алған кiрiстерi бойынша табысқа салынатын салық сомасы Қазақстан Республикасында корпорациялық табыс салығын төлеу кезiнде есепке жатқызылады (СК 129-б. 1-т.). Бұл ретте, осы баптың 1-тармағында көзделген есепке жатқызылатын сомалардың мөлшерi салық төлеушiнiң әр мемлекетте алған табыстары бойынша нақты төлеген салық сомасы негiзге алына отырып, әр мемлекет бойынша жеке-жеке анықталады. Есепке жатқызылатын салық сомасының мөлшерi осы табыс бойынша Қазақстан Республикасында Салық кодексінiң 135-бабында белгiленген ставкамен есептелетiндей сомадан аспауға тиiс (СК 129-б. 2-т.). Резидент Қазақстан Республикасы табысқа немесе мүлікке (капиталға) қосарланған салық салуды болдырмау және салық төлеуден жалтаруға жол бермеу туралы халықаралық шарт (осы бапты қолдану мақсатында бұдан әрі - халықаралық шарт) жасасқан шет мемлекеттегі көзден табыс алған жағдайда, тиісті халықаралық шарт талаптарын орындаған кезде резидент шет мемлекетте мұндай табыстарға салық салудан босатуға немесе ішінара салық салуға мүмкіндік алу мақсатында көрсетілген мемлекетте халықаралық шарт ережелерін қолдануға құқылы. (СК 130-1-б. 1-т.). Сонымен қатар, Сіздің жазған жағдаяттарға толық жауап беру үшін жағдайды толықтай көрсетье отырып, тіркеу орны бойынша салық комитетіне немесе Қазақстан Республикасы Қаржы министрлігінің Салық комитетіне жазбаша түрде жүгінуіңіз қажет.