Администратор 14.12.2009

Сауалыңызда көрсетілген «Келін» фильмі 2006 жылы тақырыптық экспозициялық жоспар құрамына енгізіліп 2009 жылғы жарық көрді. Фильм біздің заманымыздың 2-ші ғасырындағы Алтай өңірін, яғни ерте тайпалар дәуіріндегі адамдардың өмірін суреттеген. Туындының жанры аңыз негізіндегі күнделікті өмір айналасындағы тақырыптарды қарастырады. Оқиға желісі киноның сценарийін жазған авторлар мен режиссердің жеке ойынан, қиялынан шыққан, яғни ешқандай нақты деректерге негізделмеген. Еліміздің Конституциясы шығармашылық бостандағына кепіл береді. Дегенмен, кино саласының еліміздің рухани дамуына берер орасан зор әсерін ескере отырып, Мәдениет және ақпарат министрлігі осы бағытта бірқатар шараларды іске асыруда. Жуырда ғана Сенат қолдауна ие болған «Мәдениет туралы» заңға өзгерістер мен толықтырулар енгізу туралы» Заң жобасы жасалып, оның басып көпшілігі кино саласына арналды. Аталған заң жобассына фильмдерді прокаттау куәлігі негізінде көрерменнің жас ерекшелігіне сай әртүрлі категорияларға бөлу, осыған орай әр фильмнің шектелуі көрсетілер уақытын белгілеу сияқты тармақтар қарастырылған. Сондай-ақ, республикалық бюджет есебінен түсірілетін фильмдерге бақылауды күшейту мақсатында «Мемлекеттік сатып алу» заңының 4-бап, 31-тармағына сәйкес, кино өнімі бойынша қызмет ететін бас мердігер ретінде «Қазақфильм» Акционерлік Қоғамы белгіленді. Бұл – мемлекет өзіне қарасты «Қазақфильм» АҚ арқылы бюджет қаржысынан түсірілетін фильмдердің сапасын қадағалауға қосымша құрал болады. Қазіргі таңда «Қазақфильм» компаниясының өндірісіндегі жобалардың барлығы дерлік ел мүддесіне негізделіп, тәуелсіз еліміздің өнегелі өткені мен жетістігі мол бүгінін суреттеуге арналған. Атап айтқанда «Код Золотого война», «Қара майор», «Астана, менің махаббатым!», «Бәйтерек» сияқты көркем фильмдер, «Ел бейнесі», «Ұстаз жүрегі», «Мәдениет, ғылым және білім қайраткерлері» сияқты деректі фильмдер, «Қазақ елі», «Қазақ ертегілері» атты анимациялық фильмдер түсіріліп жатыр.