Құрметті әкім мырза ! Бөрібай Биқожаұлы, Сіз облыс табиғатын реттеу және пайдалану басшылығына, өмірге бергенінен берешегі көп, келешекке қызыға қарайтын жас маманды тағайындағаңызға біз қуанамыз. Рас, жаңа басшыны тым жас қой,- деушілер де табылып жатыр.Бірақ, дәл бүгін Қазақтың, Қазақстанның келешегі, бірінші-Қазақ жастарының қолында екенін түсінетін уақыт жетті – деп ойлаймыз! Осы жерде орайы келгенде айтар бір мәселе, кешегі экономикалық қиындықтан азайған сексеуіл-орман қорын қайта қалпына келтіру үшін, әуелі орман ішінде орманшы-қорықшылар үйлері болуы міндетті. Ал бізде ондай орманшы-қорықшы үйлері тым аз. Кезінде әр кімге үлеске берілген совхоз қыстауларын бұздырмай, мекемеге арзанға сатып алып, кордондар жасайық,- дегенімізге басшылар көнбеген... Енді міне соның зарын тартып отырмыз. Казір жаңадан үй-кордон салуға орман мекемелерінің шамасы жетпей жатыр. Сондықтан 2010 жылы тағы да басталатын Жол картасы қаржысына орман-қорықтарда орманшы-қорықшы үйлерін , кордондар салуға болмас па екен ?! Сәлеммен бір топ орманшы-қорықшылар атынан Жапар Сатылғанов «Андасай» мемлекеттік зоологиялық қорғалымының меңгерушісі Мойынқұм ауданы, Мойынқұм ауылы