Администратор 11.12.2009

Саламатсыз ба, Серік! Мен сізбен келіспеймін. Қазақстан Республикасының «Бұқаралық ақпарат құралдары туралы» Заңына сәйкес мемлекеттiк тiлдегi бұқаралық ақпарат құралдарының телевизиялық және радио бағдарламаларының ұзақтылығы алты сағаттық жиілікпен басқа тiлдердегi хабарлардың жиынтық көлемiнен кем болмауға тиіс. Алайда, бұл норма телеарналарды тек 50% - мемлекеттік тілде, 50% - басқа тілдерде таратуды шектемейді. Қазіргі уақытта мемлекеттік телеарналар мемлекеттік тілдегі бағдарламалар әзірлеуді арттыруда. Сонымен қоса, мемлекеттік тілдегі бағдарламаларды мемлекеттік сатып алу саны артып отыр. Ал қазақ тілін насихаттайтын бағдарламаларға келер болсақ, «Еларна» телеарнасында «Азамат», «ХХІ ғасыр көшбасшысы», «Ақындар аллеясы», «Тапқыр достар», «Қазақстан» телеарнасында мемлекеттік тілдің байлығы мен тереңдігін көрсететін «Сөзмерген» апталық лингвистикалық бағдарламасы, сонымен қатар қоғамның әр саласын қамтитын түрлі айдарлар шеңберінде мемлекеттік тілдің ахуалы мен оның өзекті мәселелерін көтеретін «Таңшолпан», «Өмірдің өзі» бағдарламалары, «Білім арнасы», «Интеллектуалдық олимпиада», «Астана» радиосында қазақ тілін үйрету бағытында «Талқылау сөздігі», қазақ тілінде таза сөйлеуді үйретуге арналған «Қас қағым», «Жүйрік ой», «Қазақ радиосында» «Мемлекеттік тіл», «Туған тіл», «Біз қалай сөйлейміз?» бағдарламалары тұрақты шығып отыр. Сіз атап өткен мәселелер біздің Министрліктің басты назарында.