Администратор 09.06.2010

Ауыл шаруашылығын қолдау мақсатында Қазақстан Республикасы Үкіметінің 2008 жылдың 25 қарашадағы № 1085 қаулысымен бекітілген Қазақстан Республикасы Үкіметінің, Ұлттық банкінің және қаржы рыногіндегі экономика мен қаржы жүйесін тұрақтандыруды бақылау және реттеу Агенттігінің 2009-2010 жылдарға арналған бірлескен іс-қимыл жоспарына сәйкес, «КазАгро» ҰБХ» АҚ-ның қаржыландыратын негізгі 11 басымдылық бағыты айқындалған: «КазАгроҚаржы» АҚ арқылы 6 бағыт: 1. сүт-тауарлы фермаларын құру; 2. құс фабрикаларын құру; 3. жылыжай құрылысы; 4. тамшылап суару технологиясын енгізу; 5. көкөніс сақтайтын қоймаларды салу; 6. ауыл шаруашылығы техникаларын жинақтау. «Аграрлық несиелік корпорациясы» АҚ арқылы 5 бағыт: 1. мал бордақылау алаңдарын құру; 2. ет қайта өңдеу кешендерін құру; 3. мал сою алаңдарын құру; 4. биязы жүн шаруашылығын дамыту; 5. биязы жүнді қайта өңдеу. Осы басымдылык бағыттардың негізінде облысымызда бірқатар инвестициялық жобалар жүзеге асырылуда, атап айтқанда: 1. «Фабрика ПОШ-Тараз» ЖШС «Биязы жүнді қайта өңдеуді ұйымдастыру» инвестициялық жобасын жүзеге асыруда; 2. «Қазақ ет компаниясы «Оңтүстік» ЖШС 7000 бас МІҚ малын бордақылайтын кешен құру жобасын іске асыруда. Сонымен қатар тері өңдеу өндірісі басым бағыттардың тізілімінде болмағанымен, облысымыздағы инвестициялық жобалардың тізіліміне енгізілген «ТаразБылғарыАяқ-киім» ЖШС-нің базасында «Балаларға арналған әр-түрлі аяқ-киімдер шығару» жобасын іске асыруға қолдау көрсетілуде. Жоғарыда аталған басым бағыттардың жүзеге асырылуы туралы үнемі бұқаралық ақпарат құралдарында жарияланып тұрады.