Құрметті Қырымбек аға. Мен Абаданова Алия Сабырбайқызы. Мұнайлы ауданы, Маңғыстау селосының тұрғынымын. Мұнайлы ауданының №1 орта мектебінде мұғаліммін. Жолдасым Аширов Сағынжан Мәлікұлы №5 орта мектепте мұғалім. Бір қызымыз бар. Жолдасым екеуіміз «НұрОтан» ХДП-ның белсенді мүшесіміз. Қазіргі таңда баспанамыз жоқ. Әр жерлерде үй (сарай) жалдап тұрып жатырмыз. Тұрғын үйге аса мұқтаж отбасымыз. Мектепішілік тұрғын үй кезегінде тізімдеміз. Қазіргі таңда мұғалімдер отбасына аса көңіл бөліп жатқан кез емес пе? Мені алаңдатып жүрген мәселе аяғым егіз балаға ауыр, отбасымыз үлкейеді. Бірақ жалдап тұрып жатқан үйіміз (сарайымыз) өте тар, ремонты нашар. Дәл қазір үй сатып алатын немесе ипотекаға алатын жағдайымыз жоқ. Аудан әкімшілігі мен аудандық «НұрОтан» ХДП-ның төрағасы Абилов Елубай мырза мен оның орынбасары Есенбай Құли мырзаның да хабары бар. Өйткені мен «НұрОтан» ХДП-ның төрағасы мен орынбасарының атына екі рет арызданған болатынмен. Бірақ ешқандай жауап жоқ. Сондықтан да мен сізден өтініп сұрайтыным, осы жағдайымды ескеріп бюджеттік қызметкерлерге салынған үйден пәтер бөлгізуіңізді сұраймын.