«Мемлекет басшысының 2010 жылғы 29 қаңтардағы «Жаңа онжылдық - жаңа экономикалық өрлеу - Қазақстанның жаңа мүмкіндіктері» атты Қазақстан халқына арнаған Жолдауында атап көрсетілген басым бағыттардың аймақта жүзеге асырылу барысы жөніндегі» Қызылорда облысы әкімі Б.Қуандықовпен Интернет-конференция
«Мемлекет басшысының 2010 жылғы 29 қаңтардағы «Жаңа онжылдық - жаңа экономикалық өрлеу - Қазақстанның жаңа мүмкіндіктері» атты Қазақстан халқына арнаған Жолдауында атап көрсетілген басым бағыттардың аймақта жүзеге асырылу барысы жөніндегі» Қызылорда облысы әкімі Б.Қуандықовпен Интернет-конференция
- Сұрақтар: 29
- Жауаптар: 29
- 11.06.2010
- 11.06.2010
- Қызылорда облысы әкімі Б.Қуандықовпен Интернет-конференция
Шаизат Тоғатаев 11.06.2010, Сұрақ нөмірі:
Құрметті Болатбек! Өзіңіздің спортты қолдауыңыздың арқасында облыс спортшыларының республикалық, халықаралық жарыстардағы жетістіктері мен жеңістерінің арта түскені ерекше байқалады. Бұл өз кезегінде спортшыларымыздың шеберлігінің артуына жағдай жасалып, мән берілгендігі. Осыған орай спортты қолдап отырғаныңызға дән ризашылығымды білдіремін.
Облыс орталығында жастардың бос уақытын тиімді пайдалану мақсатында спорттық ғимараттардың жетіспеушілігі, қысқы спорт түрлерінің дамуы қолдауды қажет етеді. Осыған орай Қызылорда қаласында Мұз айдынының салынуына ықпал жасауыңызды сұраймын.
Администратор 11.06.2010
Қазақстан Республикасының Президенті Н.Ә. Назарбаевтың «Жаңа онжылдық – жаңа экономикалық өрлеу - Қазақстанның жаңа мүмкіндіктері» атты Қазақстан халқына арнаған Жолдауында Туризм және спорт министрлігі әкімдермен бірге елде бұқаралық спортты дамыту үшін бірлескен іс-шараларды анықтап, оларды нақты іске айналдыруы тиіс. 30%-ға дейінгі қазақстандықтар бұқаралық спортқа тартылуы керек деп ерекше атап көрсетті. Бұқаралық спортты дамытудың алғы шарттарының бірі ол спорттық ғимараттардың қолжетімді болуы. Осы мақсатта облыстық туризм, дене шынықтыру және спорт басқармасына Қызылорда қаласында Мұз айдыны, жекпе-жек және ойын зал орналасқан спорт кешенін салуға байланысты ұсыныс енгізуге тапсырма бердім. Қазіргі уақытта құрылыс салу жан-жақты зерттелуде. Қаржысы толық шешіліп, мұз айдынын салуға жұмыс жасалады. Сондай-ақ, аймақта жұмыс істеп жатқан компаниялармен меморандумға отырып, олар өз қаржысын бұқарлық спортты дамытуға бөлуде. Осы орайда, жуырда «Саутс ойл» мұнай компаниясы облыс орталығынан жабық теннис кортын салуды қолға алуды бастады.