Атырау облысы әкімі қатысуымен өткізілетін Интернет- конференция (26.10.2011)
2011 жылғы 26 қыркүйекте Қазақстан Республикасының "Электрондық үкімет" веб-порталында Атырау облысының әкімі Рысқалиев Бергей Сәулебайұлының қатысуымен Елбасының "Болашақтың іргесін бірге қалаймыз!" 2011 жылғы 28 қаңтардағы Қазақстан халқына Жолдауының басым бағыттарын өңірлерде іске асыру барысы туралы" атты тақырыпта Интернет-конференция өтеді.Пайдаланушылар өздерін қызықтырған сұрақтарды ағымдағы жылдың қазанында жолдай алады. Сұрақтардың жауаптары 2011 жылғы 1 қарашада веб-порталға орналастырылатын болады.
- Сұрақтар: 95
- Жауаптар: 58
- 26.10.2011
- 26.10.2011
- Аким Атырауской области
Болат 26.10.2011, Сұрақ нөмірі:
Мен екінші топ мүгедегімін. Өзім Құрманғазы ауданының елді мекенінде тұрамын. Сізден сұрайын дегенім: Атырау облысында мүгедектер үшін денсаулықтарын оңалту орталығы бар ма, болса қай жерде орналасқан?
Администратор 26.10.2011
Атырау облыстық мүгедектерді сауықтыру орталығы 2008 жылдың желтоқсан айынан бастап пайдалануға беріліп жұмысын жасап келеді. Ғимарат 3 қабаттан тұрады: онда су, парафинмен емдеу бөлмелері, сауна, бассейн, асхана блоктары және шаруашылық бөлмелер, сонымен қатар, дәрігерлердің ауру қабылдайтын, емдеу және диагностика бөлмелері және мүгедектерге арналған 2 тренажерлық зал, кезекші медбикелер бөлмесі, массаж жасау және басқа да емдеу бөлмелері орналасқан, сонымен қатар, облыс аудандары мен ауылдық аймақтардан келетін мүгедектерге арнайы жабдықталған 20 орындық қонақүй бөлмелері орналасқан. Күніне төрт мезгіл тегін тамақпен қамтамасыз етіледі. Бүгінгі күні 8 дәрігер, 24 медбике, 3 әлеуметтік қызметкер, психолог, заңгер қызмет атқарады. Әлеуметтік қызмет көрсету стандарты негізінде 2011 жылдан бастап 35 орындық күндізгі стационар ашылды. Екі мезгіл тамақтандыру мүмкіншіліктері қаралған. 2011 жылдың 9 айында орталықта 839 мүгедек денсаулықтарын оңалтты. 2010 жылы алынған микроавтобус көлігімен күндізгі әлеуметтік қызмет алушыларды таңертеңгі мезгілде жинап, кешке үйлеріне жеткізіп отыр.Атырау қаласы, «Вокзал маңы», 3 «а» шағынауданы, 10 «б» ғимаратында орналасқан. т.: 8 (7122) 364536, 365242.