Администратор 26.10.2011

Бүгінде Атырау қаласы мен аудан орталықтарын спорт кешендерімен толықтай қамтамасыз етіп болдық. Соңғы жылдары облыста 30 спорт ғимараты, соның ішінде әлемдік стандарттар бойынша озық технологиямен жабдықталған тұңғыш мұз айдыны, 3 бассейн, қалада 7 бірдей спорт кешені мен барлық ықшам аудандар мен мектеп аулаларында спорт алаңдары, сондай-ақ барлық аудан орталықтарында дене шынықтыру-сауықтыру кешендері, елді мекендерде спорт залдары салынды. Бұрын ауылдағы спорт қандай деңгейде болып, талай спорт тарландары тәрбиелеген болатын. Өкініштісі, сонау тоқырау жылдары жалпы спорттың ақсап қалғаны шындық. Ендігі жерде ауылдық жердегі спортты дамытуға күш салайын деп отырмыз. Шағын елді мекендерді спорт залдарымен қамтамасыз ету қалып, олардың құрылысын таяудағы 2 жылда жоспарлап отырмыз. Сөйтіп, қазіргі заманғы спорттық инфрақұрылыммен облысты толықтай қамтимыз. Қазір «Қазқмұнайгаз» компаниясымен келісіп отырмыз. Бірлесе отырып, қаржы бөліп, 16 ірі елді мекенге спорт кешенін саламыз. Кейбір жерлерде бұл жұмыстар басталып та кетті. Бұл жұмыстарды толықтай келесі жылы аяқтаймыз. Соның ішінде жаңа атап өткен ауылдардағы спорт кешендерінің құрылысы бар. Одан басқа 15 шағын елді мекенде тағы осындай спорт нысандарын саламыз. Осылайша алдағы жиырма жылдың проблемасын шешіп, енді жалпы бұқаралық спортты дамытуды қолға аламыз.