Құрметті Бауыржан Мұхамеджанов. Қаланың іргесінде орналасқан Өмірзақ елді мекенінің МУ-3 тұрғындары атынан сізге өтініш жолдап отырмыз. Көп жылдан бері шешімін таба алмай жатқан ауылымыздың өзекті мәселелері бар. Ол өзіңізге белгілі ауыз су, көше жарығы және тас жолдары. Бұл мәселелер турасында ауылымыздың әкімі орынан ауысқан сайын, хабардар етіп келеміз. Өкінішке орай, атқарылып жатқан жұмыс көрінбейді. Ауылымыздан " Волжск" су құбыры өтіп жатса-дағы, әлі күнге дейін, суды сатып алып отырмыз. Электр станциясы үйіміздің жанында орналассада, көшеміздің жарығы жанбай тұрғалы қашан? Шұрық-тесік, ойдым-ойдым жолдар мәселесі де талай айтылып, қорытындысыз қалып жатыр. Сіздің бастаған жұмысты аяқсыз қалдырмайтыңызға сенеміз. Сондықтан ауылымызды ауыз сумен, қамтамасыз етуіңізді сұраймыз. ХХІ - ғасырда өмір сүріп, ауыз суды сатып алып, ішуіміз ұят емес пе? Өзіңізден қолдау күтеміз. Өмірзақ ауылы, МУ-3 тұрғындары.