Құрметті Әкім мырза! Облыс көлемінде кадрлық саясат мәселесін қозғасам ба деп едім. Облыста ол бойынша қандай жақсарту бағытында жұмыстар жасалуда. Мәселен Астанада орталық аппаратарда әр түрлі қызметте жүрген жастарды, елге тартып, біліміне, біліктілігіне, тәжіребиесіне қарай облыста басқарма бастықтары, орынбасарлары, аудандардың әкімдері, орынбасарлары қызметтеріне тарту жоспары бар ма? Себебі елдің дамуы үшін, жанжақты, сыртты көрген (биліктің жоғарғы деңгейлерінде тәжірибе алған), азаматтарды тарту ол облыстың одан әрі дамуына жақсы себеп болады деп ойлаймын. Себебі жаңа тұлғалар жаңа идеялар, жаңа көз қарастар! Әрине жергілікті кадрларды да қолдау керек! Дегенмен де жергілікті кадрдың көп жағдайда ойлау қабілеті сол өзі көрген білгенінен аспайды. Ол факт. Ал жергілікті жерде де, орталық билік аппаратында да қызмет атқарғандардың идеялық және көз қарастық жағынан да биік болады деп ойлаймын. Елбасымыз да қазір көп жағдайда шетелде, Президент Әкімшілігінде қызмет еткендерді аймақтарға жіберуді қолдап отыр. Себебі жергілікті халықпен тығыз жұмыс жасағандардың тәжірибесі орталық ақпаратқа ауадай қажет болса, орталық аппараттың тәжірибесі жергілікті жерге де ауадай қажет. Мен оны өз қызметтік өтілім кезінде толықтай түсіндім. Себебі мен Созақ ауданында қарапайым ғана маман болып, бүгінгі таңда облыстық деңгейде қызмет атқара отырып, орталық аппаратқа өтіп, мұнда жүргеніме 5 жылдың жүзі болды. Ендігі таңда осында жинаған тәжірибемді өз еліме барып пайдаға асырсам деген ниетім бар. Егер алдағы таңда жергілікті кадрлардың резервін қалыптастырсаңыздар мені қосуларыңызды сұраймын. Мені қажет деп тапсаңыздар Созақ ауданы әкімдігі арқылы тауып ала аласыздар! Алдың ала рахмет!