Құрметті: Бауыржан Әлімұлы! Мен Маңғыстау ауданы, Шетпе селосының тұрғынымын. Мемлекеттік қызметте жұмыс жасап келе жатқаныма 30 жылдай болды. Елбасымыздың саясатын қолдаймын. Халыққа арнаған жылсайынғы жолдауын оқып, танысамын. Биылғы халыққа арнаған жолдауын басшылыққа ала отырып, өзімнің қызметіме байланысты, жергілікті «Жаңа-өмір» газетіне төмендегідей тақырыпта материал бергенмін. Жолдаудағы талап-қаржыны бақылау. Елбасымыздың жолдауын теледидардан тыңдап, газеттен оқып таныстым. Жолдау халықтың әл-аухатының жақсы болуы, әсіресе экономиканы дамыту жолын айқындап көрсетіп берді. Дағдарыстың әлі де 5,6 жылға созылатындығына байланысты, экономиканы әртараптандыра отырып, оны жалғастыруды міндеттеді. Үкімет жолдаудағы он бағыт бойынша міндеттер кешенін жүзеге асыруда. Осы он бағыттың ішінде, әсіресе тоғызыншы бағыт қаржы қызметкерлері үшін, аса жауапкершілікпен жұмыс жасауды талап етеді. Елбасы өзінің жолдауында қаржы шығындарын бақылау үшін 2008, 2009 дағдарыс жылдары кезінде нақты және өзінің тиімділігін дәлелдеген комиссия секілді арнайы комиссия құруды тапсырды. Қаржы саласы көзге көрінбейтін жұмыс. Бюджет-халықтың ақшасы екенің әрдайым естен шығармау керек. Халықтың қазнасы болғаннан кейін, қаржының өз мақсатына тиімді жұмсалғандығы, үнемделгендігі, дұрыс жоспарлануы, сонымен бірге бақылауда болғандығы жақсы. Үнемдемесең, дұрыс жоспарламасаң қаржының қолдан қалай кетіп қалғанын да білмей қаласын. Оны өмірдің өзі көрсетіп отыр. Соның бір айғағы-соңғы кездері аудандық бюджетте ақша болмай қалу салдарынан мемлекеттік мекемелерде жұмыс жасайтын жұмысшы-қызметкерлердің айлық еңбек ақыларының уақытында берілмеуі. Қазіргі таңда қаржы қызметкерлері жоспарланған бюджет қаржыларын 100 пайыз игеріп қана қоймай, жұмыс толық жасалдыма, тамақ, дәріге жұмсалған қаржылар нормаға сәйкес, игеріліп жатырма, сонымен бірге әр түрлі шаруашылық құрылыс салу, күрделі жөндеу шығындары тиімді жұмсалып жатырма, осыларды басты назарда ұстағаны жөн. Ауданымызда 50-дің үстінде мемлекеттік мекемелер бар. Осы мемлекеттік мекемелерге, соншама қызметтік жеңіл автокөліктер қызмет көрсетуде. Автокөлік ұстауға кеткен шығындар, нормаға сәйкес жұмсалып жатырма. Олар мемлекеттік бюджет үшін қандай пайда әкелуде. Мұны тоқсан сайын талдау жасап жатқан ешкім жоқ. Жергілікті аудан бюджетін игеру барда, оны бақылау өз дәрежесінде емес. Жолдауда көрсетілгендей, бюджет қаржыларының дұрыс жоспарлануы мен жұмсалуына бақылауды күшейту мақсатында жергілікті жерде комиссия құру керек. Басқару аппартындағы еңбек ақы қоры мен іс сапар, автокөлік шығындарына лимит енгізу 2011 жылы қызметтік автокөліктерді ұстауға қанша бюджет қаржысы жұмсалғандығына талдау жасау, бюджет қаржылары есебінен жоспарланған штат кестелерін, тамақ, дәрі және т.б шығындарға бақылау жүргізу-бүгінгі күннің талабы. Бас редактор әр түрлі сылтаулар айтып берген материалымды газетке жарияламағаннан кейін, сіздің порталға жолдап отырмын. Нұралы Бекмырзаұлы Махмутов