Администратор 12.04.2013

Қазақстанның дербес егемен ел болып құрылған кезінен бастап экономикадағы реформалардың нәтижелеріне баға бергенде, ең алдымен, экономикалық дамудың қазақстандық үлгісінің қалыптасуына біртіндеп кезең-кезеңімен көшкендігін атап өту керек. Қазақстан экономикасын тұрақты өрлеу траекториясына шығаруға жағдай жасаған бірқатар негізгі факторларды атап өткен жөн. Біріншіден, бұл әлемдік нарықта ұдайы жоғары сұранысқа ие салалардың дамуымен байланысты конъюнктуралық өсім. Қазақстан жағдайында бұл, бірінші кезекте, мұнай мен газ өндірісі дамыды. Екіншіден, бұл тауарлар мен қызмет көрсетулерді өндіруді толық не ішінара қалпына келтіруден көрінген, дағдарыстан кейінгі қалпына келтіре отырып өрлеу. Ең алдымен, бұл қара және түсті металдарды, электр және жылу энергетикасын, азық-түлік өнімдерін, құрылыс материалдарын, өнеркәсіп жабдықтарын, көлік және байланыс қызмет көрсетулерін және тағы басқаларды өндіру қолға алынды. Үшіншіден, тауарлар мен қызмет көрсетулер жаңа сегменттерді енгізудің нәтижесінде жүйелік өсім байқалуда. Бұл факторға шағын кәсіпкерлікті, қаржы секторын дамытуды, жылжымайтын мүлікті, сондай-ақ автомобильдерді сатуды, үй шаруашылығы секторында тауарлар мен қызмет көрсетулерді дамытуды жатқызуға болады. Төртіншіден, индустриялық-инновациялық саясаттың іске асырылуы арқылы қамтамасыз етілген инновациялық даму. Жалпы, экономикамыз әлемдік экономикалық дағдарыстың теріс әсерінде болған жағдайда бұл бағыттағы белсенді мемлекеттік саясат ішкі сұраныс пен ел кәсіпорындарының инвестициялық белсенділігін қалпына келтіру үшін мықты ілгеріледі.