Администратор 26.10.2011

Өзім жақында арнайы осы жедел жәрдем бекетінің басында болып, жағдаймен көріп, толық таныстым. Бүгінгі таңда қала бойынша тұрғындарға 13 медициналық жедел жәрдем бригадасы қызмет көрсетеді. Енді оның санын 18-ге көбейтеміз деген жоспарда бар. Биылдың өзінде облыстық әкімдік қолдауымен жедел жәрдем бекеті қазіргі заман талабына сай, барлық жедел медициналық қызмет көрсететін, әлемдік деңгейде жарақтандырылған 14 шетелдік техникамен толықтырылды. Бүгінгі күні облыстағы медицина автопаркі едәуір жаңартылды. Кадрлардың әлеуметтік мәселелерін бірінші кезекте шешіп отырмыз. Одан басқа жедел жәрдем қызметіне тікелей әсері бар - қаланың және оның айналасындағы елді мекендердің жолдары, аудан орталықтарының жолдары - бәрі тақтайдай тегіс, бір емес қатарынан бірнеше көпір салынып, көлік инфрақұрылымы толықтай жасақталды. Қазір мысалы Дамбыдан, Еркінқаладан қалаға дейін 10-ақ минутта, Бесіктіге әрі кеткенде 20 минутта жетуге болады. Жәдел жәрдемнің неге кешігіп баратыны маған да түсініксіз. Автокөлік аз, жетіспейді деген ол - шындыққа сай емес әңгіме. Сондықтан облыстық денсаулық сақтау басқармасы басшысы М.М.Өтепқалиев, Сізге тапсырма: жедел жәрдем қызметін қатаң қадағалаңыз, күнделікті желіге шыққан автокөлік жұмыстарының тиімділігін бақылауға алып, халыққа дер кезіне қызмет көрсетілуін тәртіпке келтіріңіз. Қаладан алыстау елді мекендерден басқа жақын маңдағы поселкелерге 10-15 минутта жетуі керек.