ҚОСТАНАЙ ОБЛЫСЫНЫҢ ӘКІМІ Н.М. САДУАҚАСОВТЫҢ ҚАТЫСУЫМЕН ӨТЕТІН ҚАЗАҚСТАН РЕСПУБЛИКАСЫНЫҢ ПРЕЗИДЕНТІ Н.Ә. НАЗАРБАЕВТЫҢ ҚАЗАҚСТАН ХАЛҚЫНА ЖОЛДАУЫНЫҢ ЖҮЗЕГЕ АСЫРЫЛУЫ ЖӨНІНДЕГІ ИНТЕРНЕТ-КОНФЕРЕНЦИЯ
Қостанай облысының әкімі Садуақасов Нұралы Мұстафаұлы қатысуымен өтетін «Қазақстан Республикасының Президенті Н.Ә. Назарбаевтың 2012 жылғы 14 желтоқсандағы «Қазақстан-2050» стратегиясы: қалыптасқан мемлекеттің жаңа саяси бағыты» атты Қазақстан халқына Жолдауының басым бағыттарын жүзеге асыру барысы туралы» интернет-конференция.
- Сұрақтар: 61
- Жауаптар: 61
- 10.09.2013
- 12.09.2013
- Қостанай облысының әкімі
Серик Балыкбай 10.09.2013, Сұрақ нөмірі:
Құрметті Нұралы Мұстафинұлы!
Облыс орталығының Маяковский көшесі бойында 2011 жылдан жаңа мешіт құрылысы жүріп жатыр. Аталған құрылыстың жүріп жатқанына 3 жылдың көлемі болды. Қазіргі уақытта Құрбан айт, Ораза айт мейрамдарында, жұма күндері мешітке жиналатын жамағаттың саны күннен күнге көбейуде. Мешітке сыймаған халық намаздарын мешіттің сыртында оқуда.
Осыған байланысты менің сұрағым, аталған мешіт құрылысы қашан аяқталады, жаңа мешіт есігін қашан айқара ашып, мұсылман жамағатына қызметін қашан көрсетеді.
Осы мәселелер жөнінде мемлекеттік органдар жағынан қандай шаралар, қолдаулар жүргізілуде?
Қостанай қаласының тұрғыны Серік Балықбай
Администратор 10.09.2013
Сәлеметсізбе Серік! Қаламыздың Маяковский көшесі бойында салынып жатқан мешіттің құрылысы демеушілердің және халықтың қаржысына жүргізіліп жатыр. Қазіргі уақытта құрылыстың баяу жүруінің себебі қаражаттың жетіспеулігіне байланысты. Заңда көрсетілгендей дін және діни бірлестіктер мемлекеттен бөлек. Сондықтан мешіт немесе басқада ғибадат ғимараттарын салуға мемлекеттен ешқандайда қаражат бөлінбейді. Биыл 2013 жылы аталған мешіттің сыртқы құрылыс жұмыстары толықтай аяқталып, жылу жүйесі жүргізіледі деп жоспарланған. Ал 2014 жылдың 2 жарты жылдығында мұсылман жамағатына жаңа мешіт өз есігін ашады деп жоспарлануда.