Администратор 22.05.2013

Құрметті Мирасбек Әбдірешұлы! Ақтөбе қаласының Маресьев көшесі, 2 мекенжайындағы жеке тұлғада болып келген «Химик» спорт кешені облыстық мәслихаттың 2012 жылғы 18 сәуірдегі № 20 шешімімен коммуналдық меншікке «Мемлекеттік сатып алу туралы» ҚР заңына сәйкес сатып алынды. Қазіргі таңда спорт мектебіндегі 300-ден астам балалар мен жасөспірімдер оқу-жаттығу үрдістерінің кестесіне сәйкес сағат 8:30 мен 21:00 аралығында бокс, үстел теннисі, жеңіл атлетика, семсерлесу бөлімдерінде спортпен жүйелі түрде шұғылданады. Оқу-жаттығу үрдістерінен бос уақытта сағат 12:00-ден 14:00-ге дейін спорт мектебінде мүгедек спортшылар (сейсенбі және бейсенбі күндері) волейбол және (дүйсенбі, сәрсенбі және жұма күндері) үстел теннисімен шұғылданады. «Ақтөбе» футбол клубының жасөспірімдер командасы күн сайын футбол алаңын, жексенбі күні «Ауған соғыс ардагерлері» қоғамы, «Рика-ТВ» ұжымы спорт құрылғыларын пайдаланады. Сенбі-жексенбі күндері «Локомотив» спорт клубының, №30238 әскери бөлімінің, Ақтөбе қаласы спорт бөлімінің жоспарланған спорттық іс-шараларын өткізу мүмкіндіктері қарастырылған. Қала тұрғындары стадионда және оның жүгіру жолында сағат 21:00 - 23:00 аралығында дене шынықтырумен ақысыз айналыса алады. Балалар-жасөспірімдер спорт мектептері ҚР Үкіметінің 2009 жылғы 20 шілдедегі № 1102 негізінде ақылы негізде қызмет көрсете алады. Ақылы қызмет түрлерін көрсеткені үшін қолма-қол ақша алу кассалық кіріс ордерлерінің негізінде міндетті түрде бақылау-кассалық машиналарды қолдана отырып, тараптардың қол жеткізген уағдаластықтары негізінде жүргізіледі. А.Н.Пащенко спорт кешені жеке тұлғада болған кезеңде спорт кешенінің директоры қызметін атқарған, қазіргі күні ал спорт мектебінде спорт құрылғысының меңгерушісі.