Құрметті Иманғали Нұрғалиұлы! Сізге Қызылорда қаласынан хат жазып отырмыз. Астана қаласында коммуналдық төлемақыларды бір төлем құжатымен төлеу мүмкіндігі қарастырылғандығын білеміз. Бізде де дәл сондай жоба әзірленіп, іске қосылған болатын. Тек бір әттеген айы, сол жоба бойынша Бірыңғай есептесу орталығы коммуналдық қызмет көрсетуде қордаланған қарызы бар борышкер тұтынушыларға Заң бойынша ешқандай мәжбүрлеп өндіру жұмыстарын атқара алмайтындығы. Негізгі сұрағым: біріншіден, Астана қаласының әкімшілігі осы орталықтың шығынын жергілікті бюджет есебінен жабады ма? Жапса, қандай көлемде? Екінші сұрағым, борышкерлерден қарызын өндіртіп алу барысында аталған орталық қандай іс шаралар ұйымдастырады? Жауабыңызға рахмет.