Администратор 30.09.2013

Сәлеметсізбе! Қазіргі уақытта атмосфераның ластануы Алматы қаласының негізгі экологиялық мәселесі болып отыр. Алматы қаласының ауа бассейнінің ластануына ең алдымен - автокөліктерден шығатын түтін мен улы газдардың нормадан тыс артық болуы ықпал етуде. Сондықтан, Алматы қаласының экологиясын сауықтыруға, экологиялық ахуалды жақсартуға бағытталған іс-шараларды іске асыру өзекті мәселелердің бірі болып есептеледі. Сондай іс-шаралардың бірі - қаладағы көліктерді газды пайдалануға көшіру мәселесін шешу. Алматы қаласы әкімдігі автокөлік құралдарын сығылған табиғи газды пайдалануға көшіру бойынша іс-шаралар жобасын әзірледі, жоба мемлекеттік органдар және мүдделі ұйымдармен келісілген. Жалпы, бүгінгі күні қаламызда 300-ден астам газбен жүретін автобус, 195 жаңа троллейбус және жаңа 17 трамвай қызмет көрсетуде. Ынтымақтастық туралы Меморандум шеңберінде «КазТрансГаз-Алматы» АҚ және «BG Лимитед» компаниясы бірлесіп, муниципалды парктің және басқа да газбен жүретін көліктерді сығылған табиғи газбен қамтамасыз ету үшін 1 газ толтыратын станса ашты. Бұл бағыттағы жұмыстарды жандандыру үшін қажетті ұсыныстар әзірленіп, 2011-2015 жылдарға арналған Алматы қаласын дамыту бағдарламасын іске асырудың Іс-шаралар жоспарына енгізілді. Сонымен қатар, атмосфераның ластану деңгейін төмендету мақсатында автокөліктерді техникалық тексеруден өткізуде бақылау күшейтілді және автокөлік құралдарынан тарайтын зиянды шығарындылардың улылық нормасын бақылау бойынша жұмыстар да күшейтілді.