Құрметті Қырымбек Елеуұлы! Мен Сізге Қызылорда қаласы, Сәулет 33 кварталында тұратын мен және көршілерімнің атынан қоятын сауалым бар: 1) «Ауыз су» мәселесі; 2) «Жол» мәселесі және «Көшенің» атауы. Мен және көршілерім ауыз су мәселесін шешу үшін 200000-600000 теңге ақша жұмсау арқылы келесі параллель көшелерден (атауы жоқ) жіңішке пластмасса трубалары арқылы тартып алып ішіп отыр, бірақ бұл су қыс уақытында қатып, бәріміз әбігерге түсеміз. «Ауыз су» бағдарламасы туралы хабарды теледидардан көріп мәз болғанымызбен, біздерге қашан шапағаты тиетінін білмей отырмыз. Күз, көктем айларында біздің үйлерге кіру мүмкіндігі болмай қалады, яғни қара батпақтың ортасында қалып машиналарымыз жеткен жерге тастап, жердің кебетін уақытын күтеміз. Қызылорда қаласының «Жібек жолы», «Сұлтан Бейбарыс» күре жолдарына жақын орналассақ та, ол жолдарға жету мұң. Осындай халықтың талап-тілектерінің орындалуына көмектесуіңізді сұраймыз. Құрметпен: Сәулет 33 квартал тұрғындары атынан ІІ топ мүгедегі Амангелді Мөңкебайұлы.