Сәлеметсіз бе құрметті Архимед Бекжанұлы мырза! Мен Шалқар қаласының тұрғыны - Мерғалиев Данияр Орынбасарұлы, Сізден жұмыс мәселесі жайында сұрағым келеді. Қазіргі таңда жұмыссызбын, жұмыс іздеп бармаған жерім жоқ. Білімім - жоғары, темір жол мамандығын бітіргенмін. Ауданымызбен Елбасымыздың ғасыр жобасы деп атаған Жезқазған - Бейнеу темір жол желісі ауданымыздың үстімен өткеніне, жұмысқа жергілікті халықты қабылдайтын болғанына ел болып қуанған едік. Бірақ құрылыстың басталғанына 1 жыл болды, ешқандай жұмыс жоқ. Барған сайын түйіндемені алып қалып, "күтіңіз, бос орын болса айтамыз" деп шығарып салады. Жоғарғы оқу орнын бітіргеніме 1 жыл болды. Аудандық "Жұмыспен қамту және әлеуметтік бағдарламалар" бөліміне де бардым,алдымен жұмыссыз деп тіркелу керек деді, тіркелдім, тәжірибең жоқ деп 6 ай мерзімінде жастар іс-тәжірибесіне жіберді, оны да істедім. Бірақ ешқандай нәтиже болмады. Өзім үйленгенмін, бір балам бар. Осы үлкен мүмкіндікті пайдалана отырып, Елбасымыз өз жолдауында атап көрсеткендей, жас маман және жас отбасы ретінде маған қолдау көрсетіп, отбасымды асырайтындай өз мамандығым бойынша жұмысқа орналасуыма көмектесуіңізді өтініп сұраймын. Осы өтінішім Сізге жететіне сенемін және назар салып оқып шыққаныңыз үшін алдын-ала рахмет айтқым келеді! Аман-сау болыңыз!