Қала әкімі Бауыржан Байбек мырзаға сұрақ. Алматы қаласы, Алатау ауданы "Ұлжан - 2" ықшамауданының тұрғыны журналист Әбділдабек Жанатовтан. Елбасының 2014 жылғы жолдауында "Нұрлы жол - болашаққа бастар жол" деген қанатты сөз халық арасында мәнді мәтелге, үкілі үміт символына айналып кетті. "Жолдар -мемілекетіміздің келбеті", - "Жақсы жолдар- еліміздің көркеюнің белгісі",-деп Елбасы айтқандай жол, шын мәнінде өмірдің өзегі, тіршіліктің күретамырына айналды. Дей, тұрсақта "Ұлжан - 2"-нің жол мәселесі толықтай өз шешімін тапқан жоқ. Мәселенің тоқ етері мынадай. Осыдан 15 жыл бұрын ірге көтерген "Ұлжан - 2" елді мекендерінің тұрғындары жылдар бойы батпақ кешіп жүр. Бұған дейінгі арыз - шағымдарда осы қалалық ауылдың 500-дей үйіндегі 1000-нан астам тұрғыны жол машақатын көрудей -ақ көріп жүр. жол нашарлығынан жолаушылар тасымалдайтын көліктер жүрмейді, 300-ге жуық мектеп оқушылары көрші ауылдың мектебіне лайсаң жолмен жаяу қатынайды. Әсіресе күзгі-көктемгі жаңбырлы маусымдарда қатты қиналады. Бір таңғаларлығы - 2011 жылы бұл ықшамауданда жол салына бастаған, 1200 метр жолға асфальт төселген, бірақ құрылыс тоқтатылды, сөйтіп салынып жатқан жол, жол ортасында қалды. Басшылар мен мамандардың айтуынша, бұл ықшамауданда алдымен инженерлік коммуникациялар желілері жүргізілуі керек екен. Су кәріздері (канализация) салынуы қажет. Су кәріздері жобасының дайын болғанына 2 жылдай уақыт өтті, ал бірақ кәріз де жоқ, жол да жоқ, қашан болары да белгісіз. Осыған байланысты "Ұлжан-2" ықшамауданына қашан кәріз құбыры тартылып 10 көшеге асфальт төселеді?