Құрметті, Бауыржан Қыдырғалиұлы. Мен Алматы қаласы, Құлагер ықшамауданының тұрғынымын. Сізден біздің аудандағы қоғамдық көлік мәселесін шешуді өтініп сұраймын. Себебі, орталыққа қатынайтын №123 автобус Құлагерге сонау Көкжиек және Айнабұлақ арқылы келеді. Құлагерге жеткенде автобусқа міну мүмкін емес, іші жолаушыға лық толы. Мұндай жағдай №56 және №17 автобустарға да қатысты. Ал, ең сорақысы өзім қатынайтын №123, №56 автобустар кешкі 8-ден кейін жүрісін тоқтатады. Қаншама халық оларды суық күнде дірдек қағып, аялдамада сағаттап тосады. Бірақ, аталмыш қоғамдық көліктер кешкі 8-ден кейін Құлагерге қарай жүрмейді. Қаншама рет арызданып, автобус паркінің басшылығына шағысмдандық. Бірақ, еш нәтиже жоқ. Осы мәселені шешуіңізді барша тұрғындар атынан сұраймын.