Құрметті Алик Жаткамбаевич! Алдымен Сізге, соңғы уақыттарда белсенді атқарып жатқан қызметіңізге алғыс білдіргім келеді. Қояр сауалым, Мемлекеттік қызмет істері жəне сыбайлас жемқорлыққа қарсы іс-қимыл агенттігінің аумақтық департаменттерінде (əрі қарай - Департамент) неге С-О-6 санаты штат кестесінде аз? Мысалға əр аумақтық Департамент құрылымында менің білуімше бес басқарма бар, онда əр басқармада басшыдан бөлек 7-8 бас маман (С-О-5) бар, жетекші маман (С-О-6 санаты) əр басқармада біреу ғана, сонда жалпы Департаментте 4-5 жетекші маман ғана. Ал біз білеміз одан жоғары С-О-5 санатына жұмыс өтілі керек екенін. Жаңа оқу бітірген немесе жұмыс өтілі жоқ азаматтар Сіздердің аумақтық Департаментте қызмет еткісі келсе жетекші маман орнының босағанын күту керек немесе басқа органда белгіленген санат бойынша жұмыс жасап, жұмыс өтілі жеткенде ғана Департаментке С-О-5 санатына конкурсқа қатыса алады. Бұл үлкен уақытты алады деп ойлаймын. Мысалға мен, мемлекеттік қызметкермін жəне Сіздердің аумақтық Департаментте қызмет еткім келеді, мемлекеттік қызмет саласына қатысты барлық құқықтық актілерді қызығушылық жаттап алдым деседе болады. Бірақ жұмыс өтілім жетпегендіктен, Департаментте жетекші маман лауазымының бос болмауынан конкурсқа қатыса алмаймын. Сондықтан, мүмкіндік болса, Алик Жаткамбаевич осы мəселені қолға алуыңызды сұраймын. Аумақтық Департаменттерде жетекші маман лауазымын көбейтсе екен, Департаменттің əр басқармасында 2 жетекші маман болсада жаман емес еді. Рахмет!