Түркістан облысы 03.October.2017, 15:48

«Рухани Жаңғыру» - барлық заманауи тәуекелдер мен жаһандық жанайқайды қоса алғандағы қазақстандық рухани құндылықтың жандануына бағытталған Мемлекет басшының бағдарламалық мақаласы. Мақала ұлттық бірегейлікті сақтау, азаматтар санасының ашықтығы мен білімге баулуын дәріптеу, прагматизм, бәсекеге қабілеттілікті арттыру, қоғамдық сананың жаңғыртудыдың маңыздылығын алға тартады. Бұл қасиеттер заманауи қазақстандықтардың негізгі бағыты болуы қажет. «Күн санап өзгеріп жатқан дүбірлі дүниеде сана-сезіміміз бен дүниетанымымызға әбден сіңіп қалған таптаурын қағидалардан арылмасақ, көш басындағы елдермен тереземізді теңеп, иық түйістіру мүмкін емес» дей келе Ұлт көшбасшысы өзгеру үшін заман ағымына икемделу арқылы жаңа дәуірдің жағымды жақтарын бойға сіңіруіміздің қажеттігін алға мақсат етіп қояды. Жаңғырудың ең басты шарты ретінде ұлттық кодты сақтай білу екенін қадап айтады. Осындай жолмен рухани жаңғыруды жүзеге асырсақ қана өзіміздің ұлттық болмысымызды, мәдениетіміздің жаңаша тұрпатын қалыптастыра аламыз. Ең басты мәселе - сананы жаңғырту. Бұл жойылып бара жатқан ұлттық қасиеттерімізден мүлдем арылу деген сөз емес, керісінше халқымыздың дәстүрлі әдет-ғұрпы мен салт-санасын ортамызға оралтып, ұрпақ тәрбиесінде жөнімен пайдалану дегенді білдірсе керек. Қоғам да, адам да мәңгі бақи даму үстінде келеді, солай бола да бермек. Демек, біз де уақыт талабына сай рухымызды биіктетіп, санамызды жаңғыртып тұруымыз керек. Қысқаша айтқанда, Қазақстан азаматтарының мінез-құлқын, ұстанымын заманауи тұрғыға шығару, жаңа менталитет қалыптастыру болып табылады.